ലെനോവോയുടെ ഏറ്റവും പുതിയ മോഡലുകളില്‍ ഒന്നായ ലെനോവോ കെ 6 പവര്‍ ഇന്ത്യന്‍ വിപണിയില്‍ എത്തുന്നു. അടുത്ത ചൊവ്വാഴ്ച്ച ഡല്‍ഹിയില്‍ നടക്കുന്ന ചടങ്ങിലാണ് പുതിയ ഫോണ്‍ പുറത്തിറക്കാന്‍ പോകുന്നത്.

പുതിയ ഫോണിന്റെ പ്രത്യേകതകള്‍ എന്തെല്ലാമാണെന്ന് നോക്കാം.

മെറ്റല്‍ യൂണിബോഡി ഡിസൈനില്‍ പുറത്തിറക്കുന്ന സ്മാര്‍ട്‌ഫോണ്‍ ഡാര്‍ക്ക് ഗ്രേ, ഗോള്‍ഡ്, സില്‍വര്‍ കളര്‍ വേരിയന്റുകളില്‍ ലഭ്യമാണ്. ഫിങര്‍പ്രിന്റ് സെന്‍സര്‍, ഡ്യുവല്‍ സിം സവിശേഷതകളോടെ എത്തുന്ന കെ6 ല്‍ ആന്‍ഡ്രോയിഡിന്റെ 6.0 മാര്‍ഷ്‌മെല്ലോയാണ് കെ6 ന്റെ ഓപറേറ്റിങ്ങ് സിസ്റ്റമാണ് ഉപയോഗിച്ചിരിക്കുന്നത്.

5 ഇഞ്ചിന്റെ ഫുള്‍ എച്ച.ഡി ഡിസ്‌പ്ലേയാണ് ഈ ഫോണിന് നല്‍കിയിരിക്കുന്നത്. 2 ജിബി റാം വേരിയന്റില്‍ 16 ജിബിയുടെ ഇന്റെര്‍ണല്‍ സ്റ്റോറേജും, 3 ജിബി റാം വേരിയന്റില്‍ 32 ജിബിയുടെ ഇന്റെര്‍ണല്‍ സ്റ്റോറെജുമാണ് ഉള്ളത്. 13 മെഗാപിക്‌സലിന്റെ പിന്‍ ക്യാമറയും 8 മെഗാപിക്‌സലിന്റെ മുന്‍ ക്യാമറയും മിഴിവേകുന്നു. 4000എംഎഎച്ച് ബാറ്ററി ലൈഫാ്ണ് ഇതിന്റെ മറ്റൊരു സവിശേഷത.