കാസര്‍കോട്: മാവോയിസ്റ്റുകള്‍ ജില്ലയില്‍ എത്തിയതായി സൂചന. ഇതേതുടര്‍ന്നു മംഗളൂരുവില്‍ നിന്നു കേരളത്തിലേക്കു വരുന്ന ട്രെയിനുകളില്‍ പൊലിസ് പരിശോധന ശക്തമാക്കി. മംഗളൂരുവില്‍ നിന്നു കണ്ണൂരിലേക്കു പോകുന്ന ജനറല്‍ കംപാര്‍ട്ടുമെന്റിലെ യാത്രക്കാരെയാണു പൊലിസ് പരിശോധിക്കുന്നത്. യാചക വേഷത്തില്‍ സഞ്ചരിക്കുന്നതായാണു പൊലിസിനു വിവരം ലഭിച്ചത്.
കഴിഞ്ഞ ദിവസം രാത്രി ചെന്നൈ വെസ്റ്റു കോസ്റ്റ് എക്‌സ്പ്രസില്‍ പൊലിസ് മഫ്തിയിലെത്തി പരിശോധന നടത്തി. കേരള പൊലിസും റെയില്‍വേ പൊലിസും സംയുക്തമായാണു റെയ്ഡ് നടത്തുന്നത്. വരും ദിവസങ്ങളില്‍ ചെന്നൈയിലേക്കുള്ള എല്ലാ ട്രെയിനുകളിലും രാത്രിയും പകലും പരിശോധന നടത്തുമെന്നു പൊലിസ് അറിയിച്ചു.