കാക്കാഴം: അല്‍ അമീന്‍ സെന്‍ട്രല്‍ സ്‌കൂള്‍ വാര്‍ഷിക ആഘോഷം സ്‌കൂള്‍ അങ്കണത്തില്‍ നടന്നു. കെ സി വേണുഗോപാല്‍ എം പി ഉദ്ഘാടനം നിര്‍വഹിച്ചു. കാപ്പ ഉപദേശക സമിതി ചെയര്‍മാന്‍ ജസ്റ്റിസ് ടി പി രാമകൃഷ്ണപിളള മുഖ്യാതിഥിയായി. അല്‍അമീന്‍ സ്‌കൂള്‍ മാനേജര്‍ അഡ്വ. എ നിസാമുദ്ധീന്‍ അധ്യക്ഷത വഹിച്ചു. കാക്കാഴം മുസ്ലിം ജമാഅത്ത് ജനറല്‍ സെക്രട്ടറി അബ്ദുല്‍ ഗഫൂര്‍ മാസ്റ്റര്‍ സ്വാഗതം പറഞ്ഞു.
അഡ്മിനിസ്‌ട്രേറ്റര്‍ ചന്ദ്രശേഖര കുറുപ്പ് വാര്‍ഷിക റിപ്പോര്‍ട്ട് അവതരിപ്പിച്ചു. അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് പ്രജിത്ത് കാരിക്കല്‍, ഗ്രാമപഞ്ചായത്ത് പ്രസിഡന്റ് ജി വേണുലാല്‍, ജില്ലാ പഞ്ചായത്ത് അംഗം എ ആര്‍ കണ്ണന്‍, ബ്ലോക്ക് പഞ്ചായത്ത് അംഗങ്ങളായ അനിത സതീഷ്, യു എം കബീര്‍,ബിന്ദു ബൈജു, റസീന നജീബ്, ഫോക്കസ് ചെയര്‍മാന്‍ സി രാധാകൃഷ്ണന്‍, പി ടി എ പ്രസിഡന്റ് ടി എ താഹ, വൈസ് പ്രിന്‍സിപ്പല്‍ ശ്രീദേവി, വിദ്യാര്‍ഥി പ്രതിനിധി ഐഷ എം തുടങ്ങിയവര്‍ സംസാരിച്ചു. സ്‌കൂള്‍ വാര്‍ഷികത്തോടനുബന്ധിച്ച് വിദ്യാര്‍ഥികളുടെ കലാമത്സരങ്ങളും നടന്നു.