പൂനെ: കടുവയ്ക്കു മുന്നിലേക്ക് ചാടിയ യുവാവിനെ മൃഗശാലാ സൂക്ഷിപ്പുകാര്‍ അത്ഭുതകരമായി രക്ഷപ്പെടുത്തി. മഹാരാഷ്ട്രയിലെ രാജിവ് ഗാന്ധി സുവോളജിക്കല്‍ പാര്‍ക്കിലാണ് 25കാരനായ ശുദ്ധോദന ബാബാറാവു വാങ്കഡെ കടുവയ്ക്കു മുന്നിലേക്ക് ചാടിയത്. പാര്‍ക്കിന്റെ ചുറ്റുമതിലിനുമുകളില്‍ കയറിയ യുവാവ് വെള്ളക്കടുവയ്ക്കു മുന്നിലേക്കാണ് ചാടിയതെന്ന് മൃഗശാലാ സൂക്ഷിപ്പുകാരും സുരക്ഷാ ജീവനക്കാരും പറഞ്ഞു.
കടുവയെ അടുത്തു കാണാനും തൊട്ടുനോക്കുന്നതിനുമാണ് അതിന്റെ മുന്നിലേക്ക് ചാടിയതെന്നാണ് ഇയാള്‍ പറഞ്ഞത്. മൃഗശാലയുടെ പിന്‍വാതില്‍ തുറന്ന് യുവാവിനെ പുറത്തെത്തിക്കാനായതുകൊണ്ടുമാത്രമാണ് അപകടം ഒഴിവാക്കാനായത്.