ഫറോക്ക്: ജനറേഷന്‍ ഗ്യാപ് കുറഞ്ഞു കൊണ്ടിരിക്കുന്നതിനാല്‍ കോണ്‍ഗ്രസില്‍ തലമുറ മാറ്റം പെട്ടെന്നുണ്ടാകണമെന്ന് വി.ടി ബല്‍റാം എം.എല്‍.എ. ബേപ്പൂര്‍ മണ്ഡലം യൂത്ത് കോണ്‍ഗ്രസ് കമ്മിറ്റിയുടെ നിശാക്യാംപ് ഉദ്ഘാടനം ചെയ്യുകയായിരുന്നു അദ്ദേഹം.
മണ്ഡലം പ്രസിഡന്റ് ടി. ഷഫ്‌നാസ് അലി അധ്യക്ഷനായി. കെ.പി.സി.സി ജനറല്‍ സെക്രട്ടറി എന്‍. സുബ്രഹ്മണ്യന്‍ മുഖ്യപ്രഭാഷണം നടത്തി. റിട്ട. പ്രൊഫസര്‍ ആര്‍സു ക്ലാസെടുത്തു.
യൂത്ത് കോണ്‍ഗ്രസ് സംസ്ഥാന ജന. സെക്രട്ടറി എം.പി ആദം മുല്‍സി, പി.പി നൗഷീര്‍, കെ. സുരേഷ്, കൊടിയേരി ശ്രീധരന്‍, ടി.കെ അബ്ദുല്‍ ഗഫൂര്‍, എന്‍.സി റഷീദ്, ബിജിത്ത് പിലക്കാട്ട്, ഹെബീഷ് മാമ്പയില്‍, ജോബിഷ് പിലക്കാട്ട്, ഷാജി പറശ്ശേരി, പി.കെ ഷബീര്‍ അലി, എം.പി ശങ്കര്‍, പി. മുഹമ്മദ് നിയാസ്, എം. ഷെറിന്‍ സംസാരിച്ചു.