ഇരിക്കൂര്‍: രാത്രി മദ്‌റസയില്‍ നിന്നു വീട്ടിലേക്കു മടങ്ങുകയായിരുന്ന വിദ്യാര്‍ഥികളെ പേപ്പട്ടിയുടെ ആക്രമണത്തില്‍ നിന്നു രക്ഷപ്പെടുത്തിയ യുവാവിനു കടിയേറ്റു. കഴിഞ്ഞ ദിവസംരാത്രി ഇരിക്കൂര്‍ ടൗണ്‍ റഹ്മാനിയ മദ്‌റസ വിട്ടു പോവുകയായിരുന്ന ഏതാനും വിദ്യാര്‍ഥികളെയാണു പേപ്പട്ടി കടിക്കാന്‍ ശ്രമിച്ചത്. വണ്ടിതാവളത്തുവച്ച് വിദ്യാര്‍ഥികളെ പേപ്പട്ടി അക്രമിക്കാന്‍ ശ്രമിക്കുന്നതു കണ്ടു രക്ഷപ്പെടുത്താനെത്തിയ രാജേഷിനാണു കടിയേറ്റത്.
നിര്‍മാണ തൊഴിലാളിയായ ഇയാള്‍ ചികിത്സയിലാണ്.