ആലക്കോട്: ഒടുവള്ളി ബസ് സ്റ്റാന്‍ഡിലെ വൈദ്യുതി തൂണ്‍ അപകടക്കെണിയൊരുക്കുന്നു. ബസുകള്‍ കയറിയിറങ്ങുന്ന ഭാഗത്തോടു ചേര്‍ന്നാണു തൂണ്‍ സ്ഥാപിച്ചിരിക്കുന്നത്. തളിപ്പറമ്പ് ഭാഗത്തു നിന്നു വരുന്ന ബസുകള്‍ കയറുന്ന ഭാഗത്താണു വൈദ്യുതി തൂണുള്ളത്. ചുറ്റുമതിലിനും തൂണിനും ഇടയില്‍ അകലം കുറവായതിനാല്‍ ബസുകള്‍ വൈദ്യുതി തൂണില്‍ ഉരസുന്നതു പതിവാണ്.
അടുത്തിടെ സ്റ്റാന്‍ഡില്‍ ടാറിങ് നടത്തിയപ്പോഴും തൂണ്‍ മാറ്റിസ്ഥാപിച്ചില്ല. വൈദ്യുതി ലൈന്‍ വര്‍ഷങ്ങള്‍ക്കു മുമ്പ് മാറ്റിയിരുന്നെങ്കിലും തൂണ്‍ മാറ്റാന്‍ അധികൃതര്‍ തയാറായിട്ടില്ല.