കോയമ്പത്തൂര്‍: കോയമ്പത്തൂര്‍- പാലക്കാട് മെയിന്‍ റോഡിലെ ശ്രീകൃഷ്ണ എന്‍ജിനീയറിങ് കോളജ് പരിസരത്ത് നിര്‍ത്തിയിട്ട ഒരു കാറില്‍നിന്നും 2000,ന്റെയും 100 ന്റെയും1.44 കോടി രൂപയുടെ നോട്ടുകള്‍ പൊലിസ് പിടികൂടി. സംഭവവുമായി ബന്ധപ്പെട്ട് പൊള്ളാച്ചി സ്വദേശികളായ തമിഴ് ശെല്‍വം, മണികണ്ഠന്‍, ലോകനാഥന്‍ ഉള്‍പ്പെട് അഞ്ച് പേരെ അറസ്റ്റ് ചെയ്തു.
ഇവര്‍ 500 രൂപയുടെയും 1000 രൂപയുടെയും അസാധു നോട്ടുകള്‍ 30 ശതമാനം കമ്മിഷനില്‍ ഇവര്‍ മാറ്റി നല്‍കിയതായി പറയുന്നു. ഇവരെ ആദായനികുതി വകുപ്പിന് കൈമാറി. സേലത്തെ കുമാരസ്വാമി പട്ടിയില്‍ ബി.ജെ.പി നേതാവ് അരുണ്‍ റാമി(35)ന്റെ കാറില്‍നിന്നും 20.55 ലക്ഷം രൂപയും പൊലിസ് കണ്ടെടുത്തിരുന്നു.