ദുബൈ: കേസ് നടപടികള്‍ക്കായി ഇന്ത്യക്കാരന്‍ ദുബൈ കോടതിയിലേക്ക് നടന്നത് 1000 കിലോ മീറ്റര്‍ ദൂരം. ദുബൈയില്‍ നിന്നും പുറത്താക്കിയ തമിഴ്‌നാട് തിരുച്ചിറപ്പിള്ളി സ്വദേശി ജഗന്നാഥന്‍ സെല്‍വരാജ്(48) ആണ് ദുബൈയിലെ ലേബര്‍ കോടതിയില്‍ കേസ് നടപടികള്‍ക്കായി 1000 കിലോമീറ്റര്‍ നടന്നത്. ഏതാണ്ട് രണ്ടുവര്‍ഷമാണ് അദ്ദേഹം നടന്നുതീര്‍ക്കാനായെടുത്തതെന്നാണ് വിവരം. പ്രതികൂല കാലാവസ്ഥകളെല്ലാം തരണം ചെയ്താണ് ഇയാള്‍ ദുബൈയിലെത്തിയതെന്ന് ഖലീജ് ടൈംസ് റിപ്പോര്‍ട്ട് ചെയ്തു.
മാതാവിന്റെ മരണത്തെ തുടര്‍ന്ന് നാട്ടില്‍പോകാന്‍ അനുമതി ചോദിച്ചെങ്കിലും അത് ലഭിക്കാതിരുന്നതിനെ തുടര്‍ന്നാണ് അദ്ദേഹം ലേബര്‍ കോടതിയെ സമീപിച്ചത്.
തുടര്‍ന്ന് തൊഴിലുടമയുടെ അനുമതി വാങ്ങിക്കാതിരുന്നതിനെതുടര്‍ന്ന് അദ്ദേഹത്തെ തൊഴിലിടത്തു നിന്നും പുറത്താക്കുകയും ചെയ്തു. ദുബൈയിലെ കരാമ ജില്ലയില്‍ സ്ഥിതിചെയ്യുന്ന കോടതിയിലേക്ക് ഇയാള്‍ നടക്കുകയായിരുന്നു.