കുന്നംകുളം: എരുമപെട്ടിയില്‍ വീട്ടമ്മയെ തലക്കടിച്ചു പരുക്കേല്‍പിച്ചതായി പരാതി. പരുക്കേറ്റ ഉമിക്കുന്ന് കോളനി ഗ്രൗണ്ടിന് സമീപം താമസിക്കുന്ന മേക്കൂട്ടയില്‍ രമണിയെ കുന്നംകുളം താലൂക്ക് ആശുപത്രിയില്‍ പ്രവേശിപ്പിച്ചു. രണ്ട് ദിവസം മുന്‍പായിരുന്നു ആക്രമണം. തന്റെ വീട്ടു പറമ്പിലെ വേലി കത്തുന്നത് കണ്ട് തീയണക്കാന്‍ വെള്ളമൊഴിച്ചതോടെയാണ് അയല്‍വാസികളായ യുവാക്കള്‍ തന്നെ ആക്രമിച്ചത്. ഇവരാണ് വേലിക്ക് തീയിട്ടതെന്നും രമണി പറഞ്ഞു. ആക്രമണം സംബന്ധിച്ച് എരുമപെട്ടി പൊലിസില്‍ പരാതി നല്‍കി.