ബിദര്‍ക്കാട്: കുരങ്ങുപനിക്കെതിരേ നീലഗിരിയില്‍ കുത്തിവയ്പ്പ് ആരംഭിച്ചു. ഇന്നലെ ബിദര്‍ക്കാട് വനംവകുപ്പ് ഓഫിസിലെ ജീവനക്കാര്‍ക്ക് കുത്തിവയ്പ്പ് എടുത്താണ് പരിപാടി ആരംഭിച്ചത്. ബിദര്‍ക്കാട് വനംവകുപ്പ് ഓഫിസില്‍ നടന്ന കുത്തിവയ്പ്പിന് ആരോഗ്യവകുപ്പ് ജോയിന്റ് ഡയറക്ടര്‍ ഡോ. പൊര്‍ക്കോടി, ബ്ലോക്ക് മെഡിക്കല്‍ ഓഫിസര്‍ ഡോ. കതിരവന്‍ എന്നിവര്‍ നേതൃത്വം നല്‍കി. വരുംദിവസങ്ങളില്‍ ഗ്ലന്റോക്ക്, അയ്യംകൊല്ലി, അമ്പലമൂല തുടങ്ങി പന്തല്ലൂര്‍, ഗൂഡല്ലൂര്‍ മേഖലകളിലെ ആദിവാസി കോളനികളിലും മുതുമല വന്യജീവി സങ്കേതത്തിലെ ജീവനക്കാര്‍ക്കും കുത്തിവയ്പ്പ് നല്‍കുമെന്ന് ആരോഗ്യവകുപ്പ് അധികൃതര്‍ അറിയിച്ചു.