ന്യൂഡല്‍ഹി: കേന്ദ്ര സര്‍ക്കാര്‍ നിരോധിച്ച പഴയ 500 രൂപ നോട്ടുകള്‍ പെട്രോള്‍ പമ്പുകളിലും വിമാനത്താവളങ്ങളിലും ഉപയോഗിക്കാനാവുന്ന ഇളവ് നാളെ വരെ മാത്രമാക്കി ചുരുക്കി. നേരത്തെ ഡിസംബര്‍ 15 വരെ ചില അവശ്യ സര്‍വീസുകള്‍ക്ക് പഴയ 500 രൂപ നോട്ട് ഉപയോഗിക്കാമെന്നായിരുന്നു സര്‍ക്കാര്‍ അറിയിച്ചിരുന്നത്. എന്നാല്‍ പെട്ടെന്ന് പ്രഖ്യാപിച്ച ഈ നിയന്ത്രണം ജനജീവിതത്തെ ഇരട്ടി ദുരിതത്തിലാക്കും. വാഹനങ്ങളില്‍ ഇന്ധനം നിറയ്ക്കാന്‍ പഴയ നോട്ടുകള്‍ സ്വീകരിച്ചത് മാത്രമായിരുന്നു സാധരണക്കാരനുണ്ടായിരുന്ന ഏക ആശ്വാസം. അതാണ് ഇപ്പോള്‍ എടുത്തു കളഞ്ഞത്. എന്നാല്‍ ഇതോടൊപ്പം പ്രഖ്യാപിച്ച മറ്റു അവശ്യസേവനങ്ങള്‍ക്ക് ഡിസംബര്‍ 15 വരെ 500 രൂപ നോട്ടുകള്‍ ഉപയോഗിക്കാം. ഇനിയും പഴയ 500,1000 രൂപ നോട്ടുകള്‍ കൈവശമുള്ളവര്‍ക്ക് ഡിസംബര്‍ 31 വരെ ബാങ്കില്‍ നിക്ഷേപിക്കാന്‍ മാത്രമേ അവസരമുള്ളൂ.