നീലേശ്വരം: വേനല്‍മഴയ്‌ക്കൊപ്പം വീശിയടിച്ച കാറ്റില്‍ കിനാനൂര്‍ കരിന്തളം പഞ്ചായത്തില്‍ രണ്ടു വീടുകള്‍ തകര്‍ന്നു. വരഞ്ഞൂരിലെ മാധവിയമ്മ, കൂവാറ്റി വേട്ടറാടിയിലെ വി.തമ്പായിഅമ്മ എന്നിവരുടെ ഓടിട്ട വീടുകളാണ് തകര്‍ന്നത്.
മാധവിയമ്മയുടെ വീടിനു മുകളില്‍ കമുക് വീഴുകയായിരുന്നു. വീട് ഭാഗീകമായി തകര്‍ന്നിട്ടുണ്ട് അരലക്ഷം രൂപയുടെ നഷ്ടം കണക്കാക്കുന്നു. തമ്പായിഅമ്മയുടെ വീടിന്റെ ഓടുകള്‍ കാറ്റില്‍ നിലംപൊത്തുകയായിരുന്നു. ആളപായമില്ല. അധികൃതര്‍ സംഭവസ്ഥലങ്ങള്‍ സന്ദര്‍ശിച്ചു.