എരുമപ്പെട്ടി: വേലൂര്‍ ഗവ: ആര്‍.എസ്.ആര്‍.വി ഹയര്‍ സെക്കന്‍ഡറി സകൂളില്‍ നാല് ദിവസങ്ങളിലായി നടന്ന് വന്നിരുന്ന കുന്നംകുളം ഉപജില്ലാ കലോത്സവം സമാപിച്ചു. യു.പി, ഹൈസ്‌കൂള്‍, ഹയര്‍ സെക്കന്‍ഡറി ജനറല്‍ വിഭാഗത്തില്‍ കുന്നംകുളം ബഥനി സെന്റ് ജോണ്‍സ് ഇ.എച്ച്.എസ്.എസ് ഓവറോള്‍ കീരീടം കരസ്ഥമാക്കി. എല്‍.പി. ജനറല്‍ വിഭാഗത്തില്‍ സെന്റ് മേരീസ് സി.എല്‍.പി.സ്‌കൂള്‍ മറ്റം ഓവറോള്‍ നേടി. സംസ്‌കൃതോത്സവം യു.പി. വിഭാഗത്തില്‍ സെന്റ് എം.എം.സി യു.പി സ്‌കൂള്‍ കാണിപയ്യൂരും ഹൈസ്‌കൂള്‍ വിഭാഗത്തില്‍ ഗവ: ഹയ്യര്‍ സെക്കന്‍ഡറി സ്‌കൂള്‍ എരുമപ്പെട്ടിയും ജേതാക്കളായി. അറബിക്ക് കലോത്സവം എല്‍.പി വിഭാഗത്തില്‍ കോണ്‍കോഡ് ഇംഗ്ലീഷ് മീഡിയം ഹയ്യര്‍ സെക്കന്‍ഡറി സ്‌കൂള്‍ പന്നിത്തടവും. യു.പി.വിഭാഗത്തില്‍ സെന്റ് തോമാസ് സ്‌കൂള്‍ പാറന്നൂരും, ഹൈസ്‌കൂള്‍ വിഭാഗത്തില്‍ അല്‍ അമീന്‍ സ്‌കൂള്‍ കേച്ചേരിയും വിജയികളായി. സമാപന സമ്മേളനം ചൊവ്വന്നൂര്‍ ബ്ലോക്ക് പഞ്ചായത്ത് പ്രസിഡന്റ് എ.വി.സുമതി ഉദ്ഘാടനം ചെയതു. വേലൂര്‍ ഗ്രാമ പഞ്ചായത്ത് പ്രസിഡന്റ് ഷേര്‍ളി ദിലീപ്കുമാര്‍ അധ്യക്ഷയായി. ജില്ലാ പഞ്ചായത്ത് സ്റ്റാന്‍ഡിംഗ് കമ്മറ്റി ചെയര്‍ പേഴ്‌സണ്‍ എം.പത്മിനി, ജില്ലാ പഞ്ചായത്ത് അംഗം കല്ല്യാണി.എസ്.നായര്‍, ബ്ലോക്ക് പഞ്ചായത്ത് സ്റ്റാന്‍ഡിംഗ് കമ്മറ്റി ചെയര്‍മാന്‍ എന്‍.എ. ഇക്ബാല്‍, പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മറ്റി ചെയര്‍ പേഴ്‌സണ്‍ സ്വപ്ന രാമചന്ദ്രന്‍ തുടങ്ങിയവര്‍ പങ്കെടുത്തു. കുന്നംകുളം എ.ഇ.ഒ പി.സച്ചിദാനന്ദന്‍ വിജയികള്‍ക്ക് സമ്മാനദാനം നിര്‍വ്വഹിച്ചു. അടുത്ത വര്‍ഷത്തെ കലോത്സവം മറ്റം സെന്റ് ഫ്രാന്‍സീസ് എച്ച്.എസ്. ബോയ്‌സ് സ്‌കൂളില്‍ നടക്കും .