മുതുകുളം: ജില്ലയിലെ ഹൈസ്‌കൂള്‍ ഹയര്‍സെക്കന്ററി വിദ്യാര്‍ത്ഥികള്‍ക്കായി മുട്ടം സാന്ത്വനം ചാരിറ്റബിള്‍ സൊസൈറ്റി നടത്തിയ ഡോ.എ.പി.ജെ അബ്ദുള്‍കലാം സ്മാരക ക്വിസ് മത്സരം നടന്നു. സാന്ത്വനം യുവജനവിഭാഗമായ യുവ സാന്ത്വം പ്രസിഡന്റ് രാജേഷ് കളവേലി അദ്ധ്യക്ഷത വഹിച്ച ചടങ്ങില്‍ ആലപ്പുഴ ജില്ലാ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ അഡ്വ.കെ.റ്റി മാത്യു ഉദ്ഘാടനം നിര്‍വഹിച്ചു. ആലപ്പുഴ ആര്‍.റ്റി.ഒ എബി ജോണ്‍ വിജയികള്‍ക്ക് സമ്മാനദാനം നിര്‍വഹിച്ചു.
കാര്‍ത്തികപ്പളളി ഹോളി ട്രിനിറ്റിയിലെ വിദ്യാര്‍ഥികളുടെ ടീമിന് ഒന്നാംസ്ഥാനവും നടുവട്ടം വൊക്കേഷണല്‍ ഹയര്‍സെക്കന്ററി സ്‌കൂളിലെ ടീമിന് രണ്ടാം സ്ഥാനവും മംഗലം ഗവ.എച്ച്.എസിലെ ടീമിന് മൂന്നാം സ്ഥാനവും ലഭിച്ചു. എം.കെ.ശ്രീനിവാസന്‍, സിസ്റ്റര്‍ ആഗ്നസ്, ടി.വി.വിനോബ്, കെ.സോമനാഥന്‍ നായര്‍, പ്രൊഫസര്‍.ആര്‍.അജിത്,എസ്.ശ്രീകുമാര്‍,ആര്‍.ധനേഷ്, എിവര്‍ സംസാരിച്ചു. ചെങ്ങൂര്‍ ക്രിസ്ത്യന്‍ കോളജിലെ സുവോളജി വിഭാഗം മേധാവി ഡോ.അഭിലാഷ് ആണ് ക്വിസ് മത്സരത്തിന് നേതൃത്വം നല്‍കിയത്.

.