തേഞ്ഞിപ്പലം: സബ് ജൂനിയര്‍ വിഭാഗം പെണ്‍കുട്ടികളുടെ ഡിസ്‌കസ് ത്രോ ഫൈനലിനിടെ ഡിസ്‌ക് നെറ്റിയിലിടിച്ച് വളണ്ടിയര്‍ക്ക് പരുക്ക്.
സര്‍വകലാശാല കായിക പഠന വിഭാഗത്തിലെ ഇന്റഗ്രേറ്റഡ് ബി.പി.എഡ് കോഴ്‌സിലെ ഒന്നാം സെമസ്റ്റര്‍ വിദ്യാര്‍ഥിനി ആതിര ജോര്‍ജിനാണു പരുക്കേറ്റത്. ഡിസ്‌ക് ലക്ഷ്യം തെറ്റി ആതിരയുടെ നെറ്റിയില്‍ വന്നു പതിക്കുകയായിരുന്നു. ഇന്നലെ രാവിലെ 10.50ഓടെയായിരുന്നു സംഭവം.
പരുക്കേറ്റ ആതിരയ്ക്ക് സ്റ്റേഡിയത്തില്‍ തന്നെയുള്ള മെഡിക്കല്‍ വിഭാഗത്തില്‍ നിന്നു പ്രാഥമിക ശ്രുശ്രൂഷ നല്‍കി.
പിന്നീട് വിശദ പരിശോധനക്കായി ആശുപത്രിയില്‍ പ്രവേശിപ്പിച്ചു.