ചെര്‍ക്കള: മഹല്ലുകളെ ശാക്തീകരിക്കുന്നതിനും പ്രവര്‍ത്തനങ്ങള്‍ സുഗമമായി നടക്കുന്നതിനുമായി ജില്ലയിലെ മഹല്ലുകള്‍ കുടുതല്‍ വ്യവസ്ഥാപിതമായ രീതിയിലേക്ക് മാറണമെന്ന് എസ്.എം.എഫ് ജില്ലാ പ്രസിഡന്റ് ചെര്‍ക്കളം അബ്ദുല്ല. ചെര്‍ക്കള ഖുവ്വത്തുല്‍ ഇസ്്‌ലാം ഹയര്‍ സെക്കന്‍ഡറി മദ്‌റസയില്‍ വച്ച് നടന്ന എസ്.എം.എഫ് മണ്ഡലം കണ്‍വെന്‍ഷന്‍ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
മഹല്ലുകള്‍ സമുദ്ധരിക്കേണ്ട കാലം അതിക്രമിച്ചെന്നും പ്രീമാരിറ്റല്‍, പാരന്റിങ് കോഴ്‌സ് പോലുള്ള നൂതന കോഴ്‌സുകളും നിര്‍ജ്ജീവമായിക്കൊണ്ടിരിക്കുന്ന പള്ളിദര്‍സുകളെ സജീവമാക്കുന്നതിന് വേണ്ടിയുള്ള സ്വദേശി ദര്‍സും മഹല്ലുകള്‍ നടപ്പില്‍ വരുത്തണമെന്നും അദ്ദേഹം കൂട്ടിച്ചേര്‍ത്തു.
മണ്ഡലം പ്രസിഡന്റ് സി.അഹ്മദ് മുസ്്‌ലിയാര്‍ അധ്യക്ഷനായി. അശ്‌റഫ് തങ്ങള്‍ പ്രാര്‍ഥന നിര്‍വഹിച്ചു. ജില്ലാ ജനറല്‍ സെക്രട്ടറി ഡോ.ഖത്തര്‍ ഇബ്രാഹിം ഹാജി നിരീക്ഷകനായി.സ്റ്റേറ്റ് പ്രൊജക്ട് വിങ് കണ്‍വീനര്‍ സി.ടി.അബ്ദുല്‍ ഖാദര്‍ തൃക്കരിപ്പൂര്‍ പാരന്റിങ് കോഴ്‌സിന്റെ ആവശ്യകതയെപ്പറ്റി വിശദീകരണം നടത്തി. നാളെ കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ നടക്കുന്ന പാരന്റിങ് കോഴ്‌സ് ജില്ലാതല ഉദ്ഘാടനം വന്‍ വിജയമാക്കാന്‍ കണ്‍വെന്‍ഷന്‍ തീരുമാനിച്ചു. എം.എ.എച്ച് മഹമൂദ് ചെങ്കള. ചെങ്കള അബ്ദുല്ല ഫൈസി, ഇബ്രാഹിം ഫൈസി ജെഡിയാര്‍, ഹാരിസ് ദാരിമി ബെദിര, സി.എം ഖാദര്‍ ഹാജി ചെര്‍ക്കള, ഇബ്രാഹിം മുണ്ട്യത്തടുക്ക, കുഞ്ചാര്‍ മുഹമ്മദ് ഹാജി, ബി.കെ അബ്ദുല്‍ സമദ്, പി.എ സത്താര്‍ ഹാജി, ആരിഫ് ഹുദവി, സി.പി മൊയ്തു മൗലവി, ലത്തീഫ് മൗലവി, ബി.എം.എ ഖാദര്‍ ചെങ്കള, മുഹമ്മദ് അറന്തോട്, ഹാശിം അരിയില്‍, ശാകിര്‍ ബെദിര സംസാരിച്ചു. വിവിധ മഹല്ലുകളില്‍ നിന്നുള്ള ഭാരവാഹികള്‍, ഖത്തീബുമാര്‍, പ്രതിനിധികള്‍, കോര്‍ഡിനേറ്റര്‍മാര്‍ സംബന്ധിച്ചു.