കുണിയ: ഷറഫുല്‍ ഇസ്‌ലാം ജമാഅത്തിന്റെ കീഴില്‍ നടന്നു വരുന്ന ശംസുല്‍ ഉലമാ സ്മാരക എജുക്കേഷന്‍ സെന്ററിന്റെ കീഴില്‍ നടക്കുന്ന ഖുര്‍ആന്‍ ലേണിങ് കെട്ടിടത്തിനും അല്‍ ബിര്‍റ് പ്രീ സ്‌കൂള്‍ കെട്ടിടത്തിനും വേണ്ടിയുള്ള ശിലാസ്ഥാപനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വ്വഹിച്ചു.
തുടര്‍ന്ന് നടന്ന പൊതു സമ്മേളനം അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. ചടങ്ങില്‍ കീഴൂര്‍ മംഗളൂരു സംയുക്ത ജമാഅത്ത് ദക്ഷിണ കന്നഡ ജില്ലാ ഖാസി ത്വാഖ അഹമ്മദ് അല്‍ അസ്ഹരി അധ്യക്ഷനായി.നാസര്‍ ഫൈസി കൂടത്തായി മുഖ്യപ്രഭാഷണം നടത്തി.
മഹല്ല് ഖത്വീബ് അബ്ദുല്‍ ഖാദര്‍ ബാഖവി നദ്‌വി, ഖുര്‍ആന്‍ അക്കാദമിക് ഡയറക്ടര്‍ മുഷ്താഖ് ദാരിമി, എം.ഐ.എം മദ്‌റസ സദര്‍മുഅല്ലിം പി.വി ഇഖ്ബാല്‍ മൗലവി, ജമാഅത്ത് പ്രസിഡന്റ് ടി.കെ അബ്ദുല്‍ റഹിമാന്‍ ഹാജി, ജനറല്‍ സെക്രട്ടറി കാനത്തില്‍ മുഹമ്മദ് കുഞ്ഞി, കെ.എ അഹമ്മദ്, കെ.എം ഇബ്രാഹിം, എം. മുഹമ്മദ്, കെ.എം ശറഫുദ്ധീന്‍, കെ.എ മൊയ്തു, കെ.എം അബ്ദുല്‍ ഹമീദ്, വി.എനാസര്‍, നിയാസ് സി.എം തുടങ്ങിയവര്‍ ചടങ്ങില്‍ സംസാരിച്ചു.
വൈകുന്നേരം 7 ന് നടന്ന ഖത്മുല്‍ ഖുര്‍ആന്‍ ചടങ്ങ് അബ്ദുല്‍ ഖാദര്‍ നദ്‌വി ഉദ്ഘാടനം ചെയ്തു. ചടങ്ങില്‍ മുഷ്താഖ് ദാരിമി അധ്യക്ഷനായി. സയ്യിദ് നജ്മുദ്ധീന്‍ തങ്ങള്‍ അല്‍യമാനി അല്‍ ഹൈദ്രോസി കൂട്ടു പ്രാര്‍ഥനയ്ക്ക് നേതൃത്വം നല്‍കി.