മുംബൈ: നോട്ട് നിരോധനത്തിന് ശേഷമുള്ള റിസര്‍വ് ബാങ്കിന്റെ പുതിയ പണ വായ്പാനയം ഇന്ന് പ്രഖ്യാപിക്കും.

ബാങ്കുകളില്‍ നിക്ഷേപം കുമിഞ്ഞ് കൂടിയ സാഹചര്യത്തില്‍ മുഖ്യ പലിശ നിരക്കുകള്‍ കുറക്കാനാണ് സാധ്യത. നിലവില്‍ 6.25 ശതമാനമാണ് റിപ്പോ നിരക്ക്. ഇത് കാല്‍ ശതമാനമോ അതില്‍ കൂടുതലോ കുറയാന്‍ സാധ്യതയുണ്ടെന്നാണ് വിലയിരുത്തല്‍. അങ്ങനെയെങ്കില്‍ അത് ഭവന, വായ്പ എടുത്തിട്ടുള്ളവര്‍ക്ക് ഗുണം ചെയ്യും. രൂപയുടെ മൂല്യം വര്‍ധിപ്പിക്കാനുള്ള നടപടികളും ഇന്നത്തെ നയപ്രഖ്യാപനത്തിലുണ്ടാകും.

ഉര്‍ജിത് പട്ടേല്‍ റിസര്‍വ് ബാങ്ക്് ഗവര്‍ണറായി സ്ഥാനമേറ്റ ശേഷമുള്ള രണ്ടാമത്തെ നയപ്രഖ്യാപനമാണിത്.