ആനക്കര: സംസ്ഥാന സര്‍ക്കാര്‍ നടപ്പിലാക്കുന്ന ഹലോ ഇംഗ്ലീഷ് പരിപാടിയുടെ ആനക്കര പഞ്ചായത്തു തല ഉദ്ഘാടനം സ്വാമിനാഥ വിദ്യാലയത്തില്‍ നടന്നു. പഞ്ചായത്തു പ്രസിഡന്റ് സിന്ധു രവീന്ദ്രകുമാര്‍ ഉദ്ഘാടനം നിര്‍വ്വഹിച്ചു.
ഹലോ ഇംഗ്ലീഷ് പാലക്കാട് ജില്ല കോര്‍ഡിനേറ്റര്‍ ഡയറ്റ് ലക്ച്ചര്‍ പി നിഷ പദ്ധതി വിശദീകരിച്ചു. സംസ്ഥാന തല ശാസ്ത്ര ക്വിസ് മത്സരത്തില്‍ രണ്ടാം സ്ഥാനം നേടിയ നിരഞ്ജന്‍ എയെ ചടങ്ങില്‍ അനുമോദിച്ചു. പഞ്ചായത്തു അംഗങ്ങളായ ദിവ്യ, വത്സല, രേഖ, സിവില്‍ പൊലിസ് അജിത് കുമാര്‍, പ്രഭാവതി സംസാരിച്ചു. സ്വാമിനാഥ വിദ്യാലയത്തിലെയും ആനക്കര ഡയറ്റിലേയും വിദ്യാര്‍ഥികള്‍ വിവിധ ഇംഗ്ലീഷ് പരിപാടികള്‍ അവതരിപ്പിച്ചു.