കരുനാഗപ്പള്ളി: തൊടിയൂരില്‍ നടക്കുന്ന കരുനാഗപ്പള്ളി ഉപജില്ലാ കലോത്സവത്തിനിടെയുണ്ടായ സംഘര്‍ഷത്തില്‍ ഒരു വിദ്യാര്‍ഥിക്ക് കുത്തേറ്റു.
ഇന്നലെ രാത്രി 9.30നായിരുന്നു സംഭവം. വേദിയ്ക്ക് പുറത്ത് പരിപാടിയില്‍ പങ്കെടുക്കാന്‍ വന്ന വിദ്യാര്‍ഥികളും സമീപത്തെ പ്രദേശവാസികളും തമ്മില്‍ വാക്കേറ്റമുണ്ടായി. ഇത് സംഘര്‍ഷത്തില്‍ കലാശിക്കുകയും വിദ്യാര്‍ഥിക്ക് കുത്തേല്‍ക്കുകയുമായിരുന്നു. കുത്തേറ്റ വിദ്യാര്‍ഥിയെ ആശുപത്രിയില്‍ പ്രവേശിപ്പിച്ചു. ഇതുമായി ബന്ധപ്പെട്ട് തഴവ സ്വദേശിയായ യുവാവിനെ കരുനാഗപ്പള്ളി പൊലിസ് കസ്റ്റഡിയിലെടുത്തു. കലോത്സവ പരിപാടികള്‍ തടസം കൂടാതെ നടന്നുവരുന്നതായി സംഘാടകര്‍ അറിയിച്ചു.