അങ്കമാലി: അങ്കമാലി നഗരസഭ വൈസ് ചെയര്‍മാനായി ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാനായിരുന്ന സി.പി.എമ്മിലെ സജി വര്‍ഗീസിനെ തെരഞ്ഞെടുത്തു.
ഒന്‍പതിനെതിരെ പത്തൊന്‍പത് വോട്ടുകള്‍ നേടിയാണ് സജി വര്‍ഗീസ് തെരുഞ്ഞെടുത്തത്. ചരിത്രത്തിലാദ്യമായി എല്‍.ഡി.എഫ് ഭരണത്തിലേറിയ അങ്കമാലി നഗരസഭയില്‍ വൈസ് ചെയര്‍മാന്‍ സ്ഥാനം ആദ്യ ഒരു വര്‍ഷം ജനതാദളിനും പിന്നീടുള്ള നാല് വര്‍ഷം സി.പി.എമ്മിനും ആണെന്നാണ് എല്‍.ഡി.എഫില്‍ ധാരണയുണ്ടായിരുന്നത്.
ഈ ധാരണ പ്രകാരം ആദ്യ ഒരു വര്‍ഷം ജനതാദള്‍ സംസ്ഥാന കൗണ്‍സില്‍ അംഗം ബിജു പൗലോസ് വൈസ് ചെയര്‍മാനായത്.
പീന്നീട് ഒരു വര്‍ഷം കഴിഞ്ഞപ്പോള്‍ ധാരണ പ്രകാരം വൈസ് ചെയര്‍മാന്‍ സ്ഥാനത്ത് നിന്ന് ബിജു പൗലോസ് രാജി വെച്ചതിനെ തുടര്‍ന്നാണ് ഇന്നലെ വൈസ് ചെയര്‍മാന്‍ തെരഞ്ഞെടുപ്പ് നടന്ന് സജി വര്‍ഗീസ് വൈസ്‌ചെയര്‍മാനായത്. എല്‍.ഡി.എഫില്‍ പ്രധാന കക്ഷിയായ സി.പി.എം ഘടകകക്ഷികള്‍ തമ്മില്‍ മാത്രമാണ് സ്ഥാനമാനങ്ങള്‍ക്ക് കാലാവധി പറഞ്ഞിട്ടുള്ളത്. ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാനായിരുന്ന സജി വര്‍ഗീസിന്റെ പേര് മുന്‍ വൈസ് ചെയര്‍മാന്‍ ബിജു പൗലോസ് നിര്‍ദേശിച്ചു. എം.എസ് ഗിരീഷ് കുമാര്‍ പിന്താങ്ങുകയും ചെയ്തു