മൂവാറ്റുപുഴ: ജില്ലാ പഞ്ചായത്തിന്റേയും മൃഗസംരക്ഷണവകുപ്പിന്റേയും സഹകരണത്തോടെ മൂവാറ്റുപുഴ നഗരസഭ നടപ്പാക്കിവരുന്ന തെരുവ്‌നായ്ക്കളുടെ വന്ധ്യംകരണം പദ്ധതിയുടെ പ്രവര്‍ത്തനം വിലയിരുത്താന്‍ നഗരസഭ ചെയര്‍പേഴ്‌സണ്‍ ഉഷ ശശിധരന്‍ പദ്ധതി കേന്ദ്രമായ താലൂക്ക് വെറ്ററിനറി പോളിക്ലിനിക്ക് സന്ദര്‍ശിച്ചു.
ഇവിടെ നടന്നുവരുന്ന വന്ധ്യംകരണം പദ്ധതി വീക്ഷിക്കുകയും നായ്ക്കളെ പാര്‍പ്പിക്കുന്നതിനായി സ്ഥാപിച്ചിട്ടുള്ള കൂടുകളും വന്ധ്യംകരണത്തിനാവശ്യമായ അടിസ്ഥാന സൗകര്യങ്ങളും പരിശോധിക്കുകയും ചെയതു.
രണ്ടാഴ്ചയോളമായി നടന്നുവരുന്ന പദ്ധതിയുടെ പ്രവര്‍ത്തനത്തെ അനുമോദിക്കുകയും ചെയ്തു.
ചീഫ് വെറ്ററിനറി സര്‍ജന്‍ ഡോ.ഷെമീന്‍ അബൂബക്കര്‍ പദ്ധതി വിശദീകരണം നടത്തി. ഡോ.രഞ്ജിത്ത്, ഡോ. നിഷ എന്നിവരും പങ്കെടുത്തു.