മൂവാറ്റുപുഴ: പൊതുവിദ്യാഭ്യാസ വകുപ്പ് അറബിക് യൂനിറ്റിന്റെ നേതൃത്വത്തില്‍ എറണാകുളം റവന്യൂ ജില്ലാ അറബി അധ്യാപക സംഗമവും സാഹിത്യ മത്സരവും മൂവാറ്റുപുഴ കെ.എം.എല്‍.പി സ്‌കൂളില്‍ നഗരസഭാ ചെയര്‍പേഴ്‌സണ്‍ ഉഷ ശശീധരന്‍ ഉദ്ഘാടനം ചെയ്തു.
സ്വാഗതസംഘം ചെയര്‍മാന്‍ പി.എം അസീസ് അധ്യക്ഷത വഹിച്ചു. പൊതുവിദ്യാഭ്യാസ രംഗത്ത് മികച്ച പ്രവര്‍ത്തനങ്ങള്‍ കാഴ്ചവക്കുന്ന കെ.എം.എല്‍.പി സ്‌കൂള്‍ മാനേജ്‌മെന്റിനുള്ള ഉപഹാരം ഡി.ഡി സി.എ സന്തോഷ് നിര്‍വഹിച്ചു. സ്റ്റാന്റിങ് കമ്മിറ്റി ചെയര്‍മാന്‍മാരായ എം.എ സഹീര്‍, പ്രമീള ഗിരീഷ് കുമാര്‍, എ.ഇ.ഒ പി സുരേന്ദ്രന്‍, ബി.പി.ഒ ടി.കെ വിജയകുമാര്‍, പി.ടി.എ പ്രസിഡന്റ് നജീര്‍ ഉപ്പൂട്ടിങ്കല്‍, ഹെഡ്മാസ്റ്റര്‍ എം.കെ മുഹമ്മദ്, പി.എച്ച് മുനീര്‍, എം.എ.ഹംസ തുടങ്ങിയവര്‍ പ്രസംഗിച്ചു. തുടര്‍ന്ന് എറണാകുളം ജില്ലയിലെ വിവിധ സബ്ജില്ലകളില്‍ നിന്നുള്ള 500ഓളം അറബി അധ്യാപകര്‍ പങ്കെടുക്കുന്ന സാഹിത്യ മത്സരങ്ങള്‍ മൂന്ന് വേദികളിലായി നടന്നു. വൈകിട്ട് നടന്ന സമാപന സമ്മേളനം സ്വാഗതസംഘം വൈസ് ചെയര്‍മാന്‍ കെ.എം അബ്ദുല്‍ മജീദ് ഉദ്ഘാടനം ചെയ്തു. അറബിക് സ്‌പെഷ്യല്‍ ഓഫീസര്‍ വി.എം സൈനുദ്ദീന്‍ സമ്മാന വിതരണം നടത്തി. ഡോ.കുഞ്ഞുമുഹമ്മദ് പുലവത്ത് സമാപന സന്ദേശം നല്‍കി. എന്‍.യു.സുനീര്‍, ജൗഹര്‍ പരീത്, സലീം ഫാറൂഖി, പി.എ.കബീര്‍, പി.യു.സീമമോള്‍, എസ്.റാഹില ബീവി എന്നിവര്‍ പ്രസംഗിച്ചു. കലോത്സവത്തില്‍ 49പോയിന്റോടെ കോതമംഗലം സബ്ജില്ല ഒന്നാം സ്ഥാനവും 40പോയിന്റോടെ പെരുമ്പാവൂര്‍ സബ്ജില്ല രണ്ടാം സ്ഥാനവും 38പോയിന്റോടെ മൂവാറ്റുപുഴ സബ്ജില്ല മൂന്നാം സ്ഥാനവും കരസ്ഥമാക്കി.