തൊടുപുഴ: നബിദിനമായ 12ന് വൈകിട്ട് 5ന് തൊടുപുഴ മങ്ങാട്ടുകവലയില്‍ എസ്.കെ.എസ്.എസ്.എഫ് ഇടുക്കി ജില്ലാ കമ്മിറ്റി സംഘടിപ്പിക്കന്ന മദ്ഹുറസൂല്‍ കോണ്‍ഫറന്‍സും മഅ്മൂന്‍ ഹുദവിയുടെ പുണ്യറസൂലിലേക്കുള്ള പാത പ്രഭാഷണവും വിജയിപ്പിക്കാന്‍ എല്ലാ മഹല്ല് മദ്രസ മാനേജ്‌മെന്റുകളോടും മദ്‌റസ മാനേജ്‌മെന്റ് അസ്സോസിയേഷന്‍ ഇടുക്കി ജില്ലാ കമ്മിറ്റി അഭ്യര്‍ഥിച്ചു.
പ്രസിഡന്റ് അലിക്കുഞ്ഞ് വാത്തിശ്ശേരിയുടെ അദ്ധ്യക്ഷതയില്‍ ചേര്‍ന്ന യോഗം അബ്ദുല്‍ കരിം മൗലവി ഉദ്ഘാടനം ചെയ്തു. മദ്‌റസ മാനേജ്‌മെന്റ് അസോസിയേഷന്‍ ജില്ലാ ജന. സെക്രട്ടറി അഡ്വ. സി.കെ ജാഫര്‍ സ്വാഗതമാശംസിച്ചു. ഹൈദ്രു ഹാജി മലങ്കര, സി.പി ബഷീര്‍ കാളിയാര്‍, മീരാന്‍ ഹാജി കോടിക്കുളം, കെ.പി അബ്ബാസ്, അബ്ദുല്‍ കരീം ഫൈസി ഏഴല്ലൂര്‍, അബ്ദുല്‍ റഹ്മാന്‍സഅദി എന്നിവര്‍ പ്രസംഗിച്ചു. മങ്ങാട്ടുകവലയില്‍ നടക്കുന്ന മദ്ഹുറസൂല്‍ കോണ്‍ഫറന്‍സിന് സ്ത്രീകള്‍ക്ക് പ്രത്യേക സൗകര്യം ഏര്‍പ്പെടുത്തിയതായി ജില്ലാ ഭാരവാഹികള്‍ അറിയിച്ചു.