കോഴിക്കോട്: സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ രണ്ടാമത് ഇസ്‌ലാമിക് നഴ്‌സറി ഫെസ്റ്റ് 27ന് കിണാശ്ശേരി മുസ്‌ലിം ഓര്‍ഫനേജില്‍ നടക്കും. ജില്ലാ കമ്മിറ്റി യോഗമാണ് തീരുമാനമെടുത്തത്.
ഇതിന്റെ ഭാഗമായി കോഴിക്കോട്, താമരശ്ശേരി മേഖല കലോത്സവം 24നും, വടകര മേഖലാ കലോത്സവം 20നും, നാദാപുരം മേഖല കലോത്സവം 24നും നടക്കും. യോഗത്തില്‍ സെക്രട്ടറി കെ.പി കോയ സ്വാഗതം പറഞ്ഞു. പ്രസിഡന്റ് എ.പി.പി തങ്ങളുടെ അധ്യക്ഷതയില്‍ ചേര്‍ന്ന യോഗത്തില്‍ എന്‍.കെ അബൂബക്കര്‍ മാസ്റ്റര്‍, സി.എ ശുകൂര്‍ മാസ്റ്റര്‍, ഹുസൈന്‍ കുട്ടി മാസ്റ്റര്‍, ടി.എം.വി ഹമീദ്, ടി. മൊയ്തു ഹാജി, ഹാരിസ് മുക്കാളി, കെ മൊയ്തീന്‍കുട്ടി, കെ.വി അബ്ദുറഹ്മാന്‍, എന്‍.പി അഹമ്മദ്, നടുക്കണ്ടി അബൂബക്കര്‍, ടി.കെ മൊയ്തീന്‍ കോയ മാസ്റ്റര്‍ സംസാരിച്ചു.