കണ്ണൂര്‍: മലബാര്‍ ദേവസ്വം എംപ്ലോയിസ് യൂനിയന്‍ (സി.ഐ.ടി.യു) ആറാമതു സംസ്ഥാന സമ്മേളനം 9, 10 തിയതികളിലായി കണ്ണൂരില്‍ നടക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു. സമ്മേളനത്തിന്റെ ഭാഗമായി ഒന്‍പതിനു വൈകുന്നേരം അഞ്ചിനു സ്റ്റേഡിയം കോര്‍ണറില്‍ പ്രഭാഷണ സമ്മേളനം സി.ഐ.ടി.യു ജനറല്‍ സെക്രട്ടറി എം.വി ജയരാജന്‍ ഉദ്ഘാടനം ചെയ്യും. 'വര്‍ഗീയതയ്‌ക്കെതിരേ വര്‍ഗ ഐക്യം' എന്ന വിഷയത്തില്‍ കെ.ടി കുഞ്ഞിക്കണ്ണന്‍ പ്രഭാഷണം നടത്തും. 10നു സി കണ്ണന്‍ സ്മാരക ഹാളില്‍ രാവിലെ 10.30നു സി.ഐ.ടി.യു സംസ്ഥാന കമ്മിറ്റി പ്രസിഡന്റ് ആനത്തലവട്ടം ആനന്ദന്‍ സമ്മേളനം ഉദ്ഘാടനം ചെയ്യും. വൈസ് പ്രസിഡന്റ് ഗോകുലപാലന്‍ അധ്യക്ഷനാവും.
മലബാര്‍ ദേവസ്വം ഭരണം സുഗമമാക്കുന്നതിനു വേണ്ടി സമഗ്രമമായ ഒരു നിയമ നിര്‍മാണം അനിവാര്യമാണെന്നും അതിന് ആവശ്യമായ നിയമവും ചട്ടങ്ങളും കേരള നിയമസഭയില്‍ അവതരിപ്പിച്ചു പാസാക്കണമെന്നും ഭാരവാഹികള്‍ ആവശ്യപ്പെട്ടു. ശമ്പള പരിഷ്‌കരണം നടപിലാക്കുക, താല്‍ക്കാലിക ജീവനക്കാരെ സ്ഥിരപ്പെടുത്തുക തുടങ്ങിയ ആവശ്യങ്ങളും സമ്മേളനത്തില്‍ ഉന്നയിക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. എ.കെ ബാലന്‍, കെ രവീന്ദ്രന്‍ , എം.വി ജയരാജന്‍ , കെ അശോകന്‍ പങ്കെടുത്തു.