തലശ്ശേരി: ജില്ലാ സ്‌കൂള്‍ കലോത്സവം രണ്ടാം ദിനം പിന്നിട്ടപ്പോള്‍ എച്ച്.എസ് വിഭാഗത്തില്‍ കണ്ണൂര്‍ നോര്‍ത്ത് ഉപജില്ല(108 പോയിന്റ്) മുന്നില്‍. എച്ച്.എസ്.എസ് വിഭാഗത്തില്‍ 117 പോയിന്റോടെ പയ്യന്നൂര്‍ ഉപജില്ലയും യു.പി വിഭാഗത്തില്‍ 78 പോയിന്റോടെ കണ്ണൂര്‍ നോര്‍ത്ത് ഉപജില്ലയുമാണ് മുന്നില്‍. എച്ച്.എസ് വിഭാഗത്തില്‍ പയ്യന്നൂര്‍(98), മാടായി(96) ഉപജില്ലകളാണ് യഥാക്രമം രണ്ടും മൂന്നും സ്ഥാനത്തുള്ളത്. എച്ച്.എസ്.എസ് വിഭാഗത്തില്‍ കണ്ണൂര്‍ നോര്‍ത്ത്(110) രണ്ടും ഇരിട്ടി(107) മൂന്നും സ്ഥാനത്താണ്. എച്ച.എസ്.എസ് വിഭാഗത്തില്‍ കണ്ണൂര്‍ നോര്‍ത്തും(110), ഇരിട്ടി(107)യുമാണ് യഥാക്രമം രണ്ടും മൂന്നും സ്ഥാനത്ത്. യു.പി വിഭാഗത്തില്‍ 72 പോയിന്റോടെ പയ്യന്നൂരും ഇരിട്ടിയും രണ്ടാം സ്ഥാനത്തുണ്ട്. മാടായിയും തലശ്ശേരി സൗത്തുമാണ്(70 പോയിന്റ്) മൂന്നാം സ്ഥാനത്ത്. എച്ച്.എസ് സംസ്‌കൃത വിഭാഗത്തില്‍ കണ്ണൂര്‍ സൗത്ത്, കണ്ണൂര്‍ നോര്‍ത്ത്, തളിപ്പറമ്പ് നോര്‍ത്ത്, കൂത്തുപറമ്പ് എന്നിവയാണ് മുന്നില്‍. യു.പി സംസ്‌കൃത വിഭാഗത്തില്‍ മാടായി, മട്ടന്നൂര്‍, ഇരിട്ടി, കണ്ണൂര്‍ സൗത്ത്, ചൊക്ലി ഉപജില്ലകളാണ് മുന്നിലുള്ളത്. എച്ച്.എസ് അറബിക്കില്‍ മുന്നിലുള്ളത് ചൊക്ലിയും കണ്ണൂര്‍ നോര്‍ത്തുമാണ്. യു.പി അറബിക്കില്‍ പാനൂര്‍, ചൊക്ലി, തലശ്ശേരി നോര്‍ത്ത്, തളിപ്പറമ്പ് നോര്‍ത്ത് എന്നിവ മുന്നില്‍ നില്‍ക്കുന്നു. എച്ച്.എസ് വിഭാഗം സ്‌കൂളുകളില്‍ 76 പോയിന്റോടെ മൊകേരി രാജീവ്ഗാന്ധി എം.എച്ച്.എസ് ആണ് മുന്നിലുള്ളത്. രണ്ടാം സ്ഥാനത്ത് കടമ്പൂര്‍ എച്ച്.എസ്.എസും(51 പോയിന്റ്) എച്ച്.എസ്.എസ് വിഭാഗത്തില്‍ പെരളശ്ശേരി എ.കെ.ജി എം.ജി.എച്ച്.എസ്.എസും(55) മമ്പറം എച്ച്.എസ്.എസും(41) ആണ് ഒന്നും രണ്ടും സ്ഥാനത്ത്. യു.പിയില്‍ കണ്ണൂര്‍ സെന്റ് തെരേസാസ് എ.ഐ.എച്ച്.എസ്.എസും പയ്യന്നൂര്‍ സെന്റ് മേരീസ് ഗേള്‍സുമാണ് മുന്നില്‍. കടമ്പൂര്‍ എച്ച്.എസ്.എസ് രണ്ടാം സ്ഥാനത്താണ്.