ചെന്നൈ: ജയലളിതയുടെ വിടവാങ്ങലിന് ശേഷം പനീര്‍സെല്‍വം മന്ത്രിയുടെ ആദ്യ മന്ത്രിസഭാ യോഗം നാളെ നടക്കും. എ.ഐ.ഡി.എം.കെയുടെ ഔദ്യഗിക ട്വിറ്റര്‍ പേജിലാണ് വിവരം പുറത്ത് വിട്ടത്.

Follow

AIADMKVerified account‏@AIADMKOfficial

രാവിലെ 11.30നാണ് യോഗം ആരംഭിക്കുന്നത്. ്രരണ്ട് മാസമായി സര്‍ക്കാര്‍ നിശ്ചലമാണെന്ന പതിപക്ഷ പാര്‍ട്ടിയായ ഡി.എം.കെയുടെ ആരോപണത്തെ പ്രതിരോധിക്കാന്‍ പുതിയ പല തീരുമാനങ്ങളും യോഗത്തിലുണ്ടാകാനാണ് സാധ്യത.

അതേസമയം വരുനാളുകളില്‍ എഐഎഡിഎംകെ സര്‍ക്കാരിനെ നിയന്ത്രിക്കുക ജയലളിതയുടെ തോഴി ശശികലയാകുമെന്ന സൂചനകള്‍ ശക്തമാകുന്നതിനിടെ തമിഴ്‌നാട് മുഖ്യമന്ത്രി ഒ.പനീര്‍സെല്‍വവും മന്ത്രിമാരും ജയലളിതയുടെ തോഴി ശശികലയുമായി തുടര്‍ച്ചയായി രണ്ടാം ദിവസവും കൂടിക്കാഴ്ച നടത്തി. ജയലളിതയുടെ വസതിയായ പോയസ് ഗാര്‍ഡനിലായിരുന്നു ചര്‍ച്ച. ഡിജിപി ഉള്‍പ്പൈടയുള്ള ഉന്നത പൊലീസ് ഉദ്യോഗസ്ഥരും കൂടിക്കാഴ്ചയില്‍ പങ്കെടുത്തു. ഭരണപരമായ കാര്യങ്ങളായിരുന്നു ചര്‍ച്ചാ വിഷയം. അണ്ണാ ഡിഎംകെ ജനറല്‍ സെക്രട്ടറി സ്ഥാനം ശശികല അധികം വൈകാതെ ഏറ്റെടുക്കുമെന്നാണു സൂചന. കഴിഞ്ഞ 27 വര്‍ഷമായി ജയലളിത ആയിരുന്നു പാര്‍ട്ടി തലപ്പത്ത്.

പോയസ് ഗാര്‍ഡനിലെ വേദനിലയത്തില്‍ ഇന്നലെയും പനീര്‍സെല്‍വവും മന്ത്രമാരും ശശികലയുമായി കൂടിക്കാഴ്ച നടത്തിയിരുന്നു. കൂടിക്കാഴ്ച രണ്ടു മണിക്കൂറോളം നീണ്ടുനിന്നു. മന്ത്രിമാരായ ഡിണ്ടിഗല്‍ സി.ശ്രീനിവാസന്‍, എടപ്പാടി കെ.പളനിസാമി, പി.തങ്കമണി എന്നിവരും പങ്കെടുത്തു. എന്നാല്‍, കൂടിക്കാഴ്ചയുടെ വിശദാംശങ്ങള്‍ എന്താണെന്നു വെളിപ്പെടുത്തിയിട്ടില്ല.

നിലവില്‍ പാര്‍ട്ടിയിലോ സര്‍ക്കാരിലെ ശശികലയ്ക്ക് യാതൊരു പങ്കാളിത്തമില്ല. ജയലളിത അന്തരിച്ചതോടെ ഏവരുടേയും ശ്രദ്ധാ കേന്ദ്രം ശശികലയാണ്. ജയലളിതയുടെ അന്ത്യയാത്രയ്ക്ക് ചുക്കാന്‍ പിടിച്ചതും ജയലളിത അന്തരിച്ച ആ രാത്രിയില്‍ തന്നെ പനീര്‍ശെല്‍വം മുഖ്യമന്ത്രിയായി സത്യപ്രതിജ്ഞ ചെയ്തതിന് ചരടുവലി നടത്തിയും ശശികലയായിരുന്നു
.
വീട്ടില്‍ നിന്നും പാര്‍ട്ടിയില്‍ നിന്നും ജയലളിത ഏറെക്കാലമായി അകറ്റി നിര്‍ത്തിയിരുന്ന ശശികലയുടെ ഭര്‍ത്താവും കുടുംബാംഗങ്ങളും മറീന ബീച്ചില്‍ നടന്ന ജയയുടെ ശവസംസ്‌കാര ചടങ്ങില്‍ സംബന്ധിച്ചിരുന്നു. ശശികലയുടെ നിയന്ത്രണത്തിലാകും ഇനി എഐഡിഎംകെ എന്ന വിലയിരുത്തലുകളെ ബലപെടുത്തുന്നതാണ് ഇതെല്ലാം. പനീര്‍സെല്‍വത്തെ മുന്നില്‍ നിര്‍ത്തി ഭരണം നിയന്ത്രിക്കുകയാകും ശശികലയുടെ തന്ത്രം.

 പോയസ് ഗാര്‍ഡന്റെ നട്ടെല്ല് ശശികലയാണെന്ന് പാര്‍ട്ടി വക്താവ് ഡോ. വി മൈത്രേയന്‍ കഴിഞ്ഞ ദിവസം പറഞ്ഞിരുന്നു. പാര്‍ട്ടിയിലെ ഒരു വിഭാഗം നേതാക്കളുടെ പിന്തുണ ശശികലയ്ക്ക് ഉണ്ടെന്ന് വ്യക്തമാക്കുന്നതാണ് പാര്‍ട്ടി വക്താവിന്റെ ഈ പ്രതികരണം.