പുന്നയൂര്‍ക്കുളം:പണയം സ്വര്‍ണം  കമീഷന്‍ ഏജന്റിനെ തട്ടിക്കൊണ്ടുപോയി കവര്‍ച്ച ചെയ്ത കേസില്‍ നാല് പ്രതികള്‍ അറസ്റ്റില്‍. പ്രതികളായ മതിലകം പാപ്പിനിവട്ടം  മണ്ടന്തറ വീട്ടില്‍ ശരത് റാം മുരളീധരന്‍  (30), തൃശൂര്‍ വേലൂര്‍ തയ്യൂര്‍ കുണ്ടു പറമ്പില്‍ ജിരൂപ് പത്മനഭന്‍ (28),  എറന്നാകുളം പറവൂര്‍ കോട്ടുവള്ളി വഴിക്കുളങ്ങരപാലൂപാടത്ത് ലൈന്‍ പൂതാംപിള്ളി ലിജോ ജോര്‍ജ് (32), ഇടുക്കി ഉടുമ്പഞ്ചോല മേപ്പാറ അയ്യപ്പന്‍ കോവില്‍, കല്‍ത്തൊട്ടി ഇലഞ്ഞിക്കോട് സിജോ മോന്‍ ജോസ് (32) എന്നിവരാണ് ജില്ലാ ക്രൈബ്രാഞ്ചിന്റെ സഹായത്തോടെ വടക്കേക്കാട് എസ്.ഐ പി.കെ മോഹിത് അറസ്റ്റ് ചെയ്തത്.  കോഴിക്കോട്  എടക്കാട് കുണ്ടുപറമ്പ് വീട്ടില്‍ പുരുഷോത്തമനെയാണ് (71)  വടക്കേക്കാട് ആറ്റുപുറത്ത് നിന്ന് സംഘം തട്ടിക്കൊണ്ടുപോയത്. ഇക്കഴിഞ്ഞ മൂന്നിന്  വൈകുന്നേരമായിരുന്നു സംഭവം. പണയം വെച്ച സ്വര്‍ണം കമ്മീഷന്‍ വ്യവ്യസ്ഥയില്‍ തിരിച്ചെടുത്തു കൊടുക്കുന്ന സംഘത്തില്‍ പെട്ട പുരുഷോത്തമനും കോഴിക്കോട് മക്കട ചെറുകുളം സുധീറും (49) ഒരുമിച്ചാണ് ആറ്റുപുറത്തെത്തിയത്. പണയ സ്വര്‍ണ്ണം എടുക്കാന്‍ തുക ആവശ്യപ്പെട്ട ഫോണില്‍ വിളിച്ചവരെ കാണാനാണ് ഇവരെത്തിയത്. കുറ്റിപ്പുറം വരെ ട്രെയില്‍ വന്ന ഇവര്‍ ആറ്റപുറത്തെത്തിയത് ബസിലാണ്. പണമാവശ്യപെട്ടയാള്‍ ഫോണില്‍ വിളിക്കുന്നതിനിടെയാണ്  നാലംഗ സംഘമെത്തി കാറില്‍ പുരുഷോത്തമനെ കയറ്റിക്കൊണ്ടു പോയത്. സുധീര്‍ പിന്നാലെ ഓടി ബഹളം വെച്ചങ്കിലും പിടികൂടാനായില്ല. കാറില്‍ വെച്ച് പ്രതികള്‍ പണമാവശ്യപ്പെട്ടെങ്കിലും പുരുഷോത്തമന്റെ കയ്യില്‍ ആകെ 700 രൂപയും മൊബൈല്‍ ഫോണും മാത്രമേയുണ്ടായിരുന്നുള്ളു. പ്രതികള്‍ അത് തട്ടിപ്പറിച്ച ശേഷം ഗുരുവായൂര്‍ റോഡില്‍ ഇറക്കിവിടുകയായിരുന്നു. എന്നാല്‍ സുധീറിന്റെ കൈവശം 1.3ലക്ഷം രൂപയുണ്ടായിരുന്നു. അല്‍പ്പസമയത്തിനു ശേഷം പുരുഷോത്തമന്റെ ഫോണില്‍ നിന്ന് സുധീറിന് പ്രതികളുടെ ഫോണ്‍ വന്നു. കുന്നംകുളം പൊലിസ് സ്റ്റേഷനിലത്തെിയാല്‍ പുരുഷോത്തമനെ വിട്ടുതരാമെന്നായിരുന്നു സന്ദേശം.  തുടര്‍ന്ന് കുന്നംകുളത്തേക്ക് ഓട്ടോയില്‍ പുറപ്പെട്ട സുധീര്‍ താവൂസ് തിയറ്ററിന് സമീപം പുരുഷോത്തമനെ കണ്ടത്തെുകയായിരുന്നു. ഇതിനിടയില്‍ സ്ഥലത്ത് എസ്.ഐ ടി.പി ഫര്‍ഷാദത്തെി ഇരുവര്‍ക്കെതിരെയും നിയമനടപടികള്‍ സ്വീകരിക്കുകയായിരുന്നു. തുടര്‍ന്ന്  നടന്ന അന്വേഷണത്തിലാണ് പ്രതികളെ പിടികൂടിയത്. ജില്ലാ പൊലിസ് മേധാവി നിശാന്തിനിയുടെ  പ്രത്യേക അന്വേഷണ സംഘത്തിലുള്ള ക്രെംബ്രാഞ്ച് ഡി.വൈ.എസ്.പി  ബിജു പി സ്റ്റഫന്റെ നേതൃത്വത്തിലുള്ള ക്രൈംബ്രാഞ്ച് എസ്.ഐമാരായ കെ. മാധവന്‍കുട്ടി, സന്ദീപ്, മുഹമ്മദ് അഷറഫ്, സീനിയര്‍ സി.പി.ഒമാരായ രാഗേഷ്, ഹബീബ്, സുദേവ്, വടക്കേക്കാട് സ്റ്റേഷനിലെ സീനിയര്‍ സി.പി.ഒമാരായ അബ്ദുറഹ്മാന്‍, ഉമേഷ് എന്നിവരാണ് പ്രതികളെ പിടികൂടിയ  സംഘത്തിലുണ്ടായിരുന്നത്.