മാന്നാര്‍: ഇന്ത്യന്‍ നാഷണല്‍ കോണ്‍ഗ്രസ് കൂടുതല്‍ ശക്തിയാര്‍ജ്ജിച്ച് അധികാരത്തില്‍ തിരിച്ചുവരുമെന്ന് കെ.പി.സി.സി സെക്രട്ടറി മാന്നാര്‍ അബ്ദുല്‍ ലത്തീഫ് പറഞ്ഞു. ഇപ്പോഴത്തെ തെരഞ്ഞെടുപ്പ് പരാജയം താല്‍ക്കാലികം മാത്രമാണെന്ന് അദ്ദേഹം കൂട്ടിചേര്‍ത്തു.
മാന്നാര്‍ ബ്ലോക്ക് കോണ്‍ഗ്രസ് കമ്മറ്റിയുടെ ആഭിമുഖ്യത്തില്‍ നടന്ന മുന്‍പ്രധാനമന്ത്രി രാജീവ്ഗാന്ധിയുടെ 25-ാം മത് രക്തസാക്ഷിത്വ വാര്‍ഷികം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ലോകരാജ്യങ്ങളുടെ മുന്‍നിരയില്‍ ഇന്ത്യയെ അഭിമാനകരമായി ഉയര്‍ത്തി എടുക്കുക എന്നതായിരുന്നു രാജീവ്ഗാന്ധിയുടെ സ്വപ്നമെന്നും, ശാസ്ത്ര-സാങ്കേതികരംഗത്ത് അത്ഭുതകരമായ പുരോഗതി കൈവരിക്കാന്‍ അദ്ദേഹത്തിന്റെ ഭരണത്തിന് കഴിഞ്ഞുവെന്നും അബ്ദുള്‍ലത്തീഫ് പറഞ്ഞു.
മാന്നാര്‍ ബ്ലോക്ക് കോണ്‍ഗ്രസ് പ്രസിഡന്റ് രാധേഷ് കണ്ണന്നൂര്‍ അധ്യക്ഷതവഹിച്ചു. തോമസ് ചാക്കോ, സണ്ണി കോവിലകം, വിപിന്‍ മാമന്‍, ജോജി ചെറിയാന്‍, രാജേന്ദ്രന്‍ വാഴുവേലില്‍, സതീഷ് ശാന്തിനിവാസ്, അജിത് പഴവൂര്‍, തമ്പി കൗണടിയില്‍, കെ.ബി.യശോധരന്‍, കെ.ബാലസുന്ദരപണിക്കര്‍, പ്രമോദ് കണ്ണാടിശ്ശേരില്‍, പി.ബി.സലാം, ടി.കെ.ഷാജഹാന്‍, ഉല്ലാസ് എന്നിവര്‍ പ്രസംഗിച്ചു.
കോണ്‍ഗ്രസ് മാന്നാര്‍ മണ്ഡലം കമ്മറ്റിയുടെ നേതൃത്വത്തില്‍ കുട്ടംപേരൂരില്‍ നടന്ന അനുസ്മരണ സമ്മേളനം ഡിസിസി സെക്രട്ടറി തോമസ് ചാക്കോ ഉത്ഘാടനം ചെയ്തു.മണ്ഡലം പ്രസിഡന്റ് അജിത് പഴവൂര്‍ അധ്യക്ഷനായിരുന്നു.സതീശ് ശാന്തിനിവാസ്,ജി.ഉണ്ണികൃഷ്ണന്‍ നായര്‍,ജി.ഉല്ലാസ്,പത്മനാഭപിള്ള,ചിത്ര.എം.നായര്‍,ആര്‍.രതി എന്നിവര്‍ പ്രസംഗിച്ചു.