തളിപ്പറമ്പ്: കേന്ദ്ര സര്‍ക്കാര്‍ എല്ലാ തലത്തിലും പരാജയപ്പെട്ടിരിക്കുകയാണെന്ന് സി.പി.ഐ ജില്ലാ സെക്രട്ടറി അഡ്വ. പി സന്തോഷ് കുമാര്‍. എ.ഐ.വൈ.എഫ് തളിപ്പറമ്പ് ടൗണ്‍ സ്‌ക്വയറില്‍ സംഘടിപ്പിച്ച ജയപ്രകാശ് രക്തസാക്ഷി ദിനാചരണം 25ാം വാര്‍ഷികത്തിന്റെ ഭാഗമായി സംഘടിപ്പിച്ച 'സ്വാശ്രയ വിദ്യാഭ്യാസം തീര്‍ത്ത ദുരിതങ്ങള്‍' എന്ന വിഷയത്തില്‍ സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.
സ്വാശ്രയ വിദ്യാഭ്യാസ മേഖലയില്‍ പുതിയ സ്ഥാപനങ്ങള്‍ തുടങ്ങുന്നതിനോ കോഴ്‌സുകള്‍ തുടങ്ങാനോ സര്‍ക്കാരി നു സാധിക്കുന്നില്ലെന്നും സന്തോഷ് പറഞ്ഞു. എം.സി സന്തോഷ് അധ്യക്ഷനായി. അഡ്വ. കെ.പി സജീഷ്, ടി.പി ഹരീന്ദ്രന്‍, റിജില്‍ മാക്കുറ്റി, പി.കെ സുബൈര്‍ സംബന്ധിച്ചു.