കരുവാരകുണ്ട്: ദാറുന്നജാത്ത് ഇസ്‌ലാമിക് സെന്റര്‍ 41ാം വാര്‍ഷിക സമ്മേളനത്തിന്റെ സ്വാഗതസംഘം രൂപീകരിച്ചു. ജനുവരി 13,14,15 തിയ്യതികളിലാണ് സമ്മേളനം. പാണക്കാട്‌സയ്യിദ് ഹൈദരലിശിഹാബ്തങ്ങള്‍ മുഖ്യരക്ഷാധികാരിയും പി. കുഞ്ഞാണി മുസ്‌ലിയാര്‍ ചെയര്‍മാനുമായി 501 അംഗ സ്വാഗതസംഘമാണ് രൂപീകരിച്ചത്.
യോഗം അഡ്വ. എം.ഉമര്‍ എം.എല്‍.എ ഉദ്ഘാടനം ചെയ്തു. പി. സൈതാലി മുസ്‌ലിയാര്‍, വാക്കോട് മൊയ്തീന്‍കുട്ടി ഫൈസി, പുത്തനഴി മൊയ്തീന്‍ ഫൈസി, കെ.മുഹമ്മദ്മാസ്റ്റര്‍, പി.ഷൗക്കത്തലി, എം. അലവി, എന്‍.കെ അബ്ദുറഹിമാന്‍, പി. ഇമ്പിച്ചിക്കോയതങ്ങള്‍, അബ്ദുല്‍കരീം ബാഖവി ഇരിങ്ങാട്ടിരി, ഉസ്മാന്‍ ഫൈസി എറിയാട്, ടി.കെ ഹംസഹാജി, എന്‍. ഉണ്ണീന്‍കുട്ടി പ്രസംഗിച്ചു.