കൊടുവള്ളി: ഗവ. ഹയര്‍ സെക്കന്‍ഡറി സ്‌കൂളില്‍ വിദ്യാര്‍ഥികളുടെ ലഹരിവിരുദ്ധ കൂട്ടായ്മയായ ആന്റി ഡ്രഗ്‌സ് സ്റ്റുഡന്റ്‌സ് അസോസിയേഷന്‍ ഓഫ് കൊടുവള്ളി (എ.ഡി.എസ്.എ.കെ)യുടെ പ്രവര്‍ത്തനം തുടങ്ങി. സംസ്ഥാന എക്‌സൈസ് കമ്മിഷനര്‍ ഋഷിരാജ് സിങ് ഉദ്ഘാടനം ചെയ്തു. തുടര്‍ന്ന് വിദ്യാര്‍ഥികള്‍, അധ്യാപകര്‍, ലഹരിവിരുദ്ധ സന്നദ്ധ സംഘടനാ പ്രവര്‍ത്തകര്‍ എന്നിവരുമായി അദ്ദേഹം സംവദിച്ചു. കൊടുവള്ളിയെ ലഹരി മുക്തമാക്കുന്നതിന് എല്ലാ സഹായവും ഋഷിരാജ് സിങ് വാഗ്ദാനം ചെയ്തു.  പരിപാടിയുടെ ഭാഗമായി നടന്ന വിദ്യാര്‍ഥികളുടെ കൂട്ടയോട്ടം, സൈക്കിള്‍ റാലി എന്നിവ അദ്ദേഹം ഫ്‌ളാഗ് ഓഫ് ചെയ്തു.
നഗരസഭാ സ്ഥിരംസമിതി ചെയര്‍മാന്‍ കെ. ശിവദാസന്‍, പി.ടി.എ പ്രസിഡന്റ് ഒ.പി.ഐ കോയ, പ്രിന്‍സിപ്പല്‍ ഐ. രാജശ്രീ, പ്രധാനാധ്യാപകന്‍ പി.എം സതീഷ്‌കുമാര്‍, കോഡിനേറ്റര്‍ കെ. അബ്ദുറഹീം, എക്‌സൈസ് ഇന്‍സ്‌പെക്ടര്‍ കുര്യാക്കോസ്, സൗഹൃദ കോഡിനേറ്റര്‍ ഉസ്സയിന്‍കുട്ടി, സ്‌കൂള്‍ ലീഡര്‍ വിഷ്ണു പ്രസംഗിച്ചു.