വടകര: പുറമേരി കെ.ആര്‍ ഹയര്‍ സെക്കന്‍ഡറി സ്‌കൂളില്‍ നടന്ന ചോമ്പാല്‍ ഉപജില്ലാ സ്‌കൂള്‍ കലോത്സവത്തില്‍ ഹയര്‍ സെക്കന്‍ഡറി വിഭാഗത്തില്‍ ഓര്‍ക്കാട്ടേരി കെ.കെ.എം.ജി.വി.എച്ച്.എസ്.എസും ഹൈസ്‌കൂള്‍ തലത്തില്‍ കെ.ആര്‍.എച്ച്.എസ് പുറമേരിയും ജേതാക്കളായി. ഹയര്‍സെക്കന്‍ഡറി വിഭാഗത്തില്‍ ജി.എച്ച്.എസ്.എസ് അഴിയൂര്‍ രണ്ടാംസ്ഥാനവും ജി.ജി.എച്ച്.എസ്.എസ് മടപ്പള്ളി മൂന്നാം സ്ഥാനവും കരസ്ഥമാക്കി. ഹൈസ്‌കൂള്‍ വിഭാഗത്തില്‍ ജി.ജി.എച്ച്.എസ്.എസ് മടപ്പള്ളി രണ്ടാം സ്ഥാനവും കെ.കെ.എം.ജി.വി.എച്ച്.എസ്.എസ് മൂന്നാം സ്ഥാനവും നേടി.
 യു.പി. വിഭാഗത്തില്‍ അഴിയൂര്‍ ഈസ്റ്റ് യു.പിക്കാണ് ഒന്നാം സ്ഥാനം. രണ്ടും മൂന്നും സ്ഥാനം യഥാക്രമം ഓര്‍ക്കാട്ടേരി നോര്‍ത്ത് യു.പിയും നരിക്കുന്ന് യു.പി സ്‌കൂളും കരസ്ഥമാക്കി. എല്‍.പി വിഭാഗത്തില്‍ കല്ലാമല യു.പി, നരിക്കുന്ന് യു.പി, അഴിയൂര്‍ ഈസ്റ്റ് യു.പി എന്നി സ്‌കൂളുകള്‍ യഥാക്രമം ഒന്നും രണ്ടും മൂന്നും സ്ഥാനക്കാരായി.
  ഹൈസ്‌കൂള്‍ വിഭാഗം അറബിക് കലോത്സവത്തില്‍ ജി.എച്ച്.എസ്.എസ് അഴിയൂരും കെ.കെ.എം.ജി.വി.എച്ച്.എസ് ഓര്‍ക്കാട്ടേരിയും ഒന്നാം സ്ഥാനം പങ്കിട്ടു. കെ.ആര്‍.എച്ച്.എസ് പുറമേരിയാണ് രണ്ടാം സ്ഥാനത്തെത്തിയത്. യു.പി വിഭാഗത്തില്‍ ഓര്‍ക്കാട്ടേരി മാപ്പിള യു.പി ഒന്നാം സ്ഥാനവും എം.എം ഓര്‍ഫനേജ് സ്‌കൂള്‍, നരിക്കുന്ന് യു.പി സ്‌കൂള്‍ എന്നിവ യഥാക്രമം രണ്ടും മൂന്നും സ്ഥാനവും കരസ്ഥമാക്കി. എല്‍.പി. വിഭാഗത്തില്‍ എം.എം ഓര്‍ഫനേജ് സ്‌കൂള്‍ ഒന്നാം സ്ഥാനവും അഴിയൂര്‍ ഈസ്റ്റ് യു.പി, എടച്ചേരി എം.എല്‍.പി. എന്നീ സ്‌കൂളുകള്‍ രണ്ടും മൂന്നും സ്ഥാനത്തെത്തി.
  സംസ്‌കൃതോത്സവത്തില്‍ ഹൈസ്‌കൂള്‍ വിഭാഗത്തില്‍ കെ.ആര്‍.എച്ച്.എസ്.എസ് പുറമേരി ഓവറോള്‍ ചാംപ്യന്മാരായി. യു.പി വിഭാഗത്തില്‍ അഴിയൂര്‍ ഈസ്റ്റ് യു.പി ജേതാക്കളായി.
  സമാപന സമ്മേളനം തൂണേരി ബ്ലോക്ക് പഞ്ചായത്ത് പ്രസിഡന്റ് സി.എച്ച് ബാലകൃഷ്ണന്‍ ഉദ്ഘാടനം ചെയ്തു. പുറമേരി പഞ്ചായത്ത് വൈസ് പ്രസിഡന്റ് പ്രസീത തയ്യൂള്ളതില്‍ അധ്യക്ഷയായി. ചോമ്പാല എ.ഇ.ഒ ടി.പി സുരേഷ്ബാബു സമ്മാനങ്ങള്‍ വിതരണം ചെയ്തു. ടി. സുധീഷ്, ഗംഗാധരന്‍, എം. രാജന്‍, കെ. സജീവന്‍, സി.കെ ഇബ്രാഹിം, എന്‍.കെ രാജഗോപാലന്‍, കോറോത്ത് ശ്രീധരന്‍, മനോജ് മുതുവടത്തൂര്‍, കുന്നോത്ത് രാധാകൃഷണന്‍, കെ. പ്രഭ, പി.പി ചന്ദ്രന്‍ സംസാരിച്ചു.