കോഴിക്കോട്: ജെ.എന്‍.യുവില്‍ നിന്നും കാണാതായ നജീബ് എവിടെയാണെന്ന് എ.ബി.വി.പി പ്രവര്‍ത്തകര്‍ക്കറിയാമെന്ന് സഹോദരി സദഫ് മുശറഫ്. കുടുംബത്തിന്റെ പ്രതീക്ഷയായിരുന്ന നജീബ് പഠിക്കാന്‍ മിടുക്കനായിരുന്നെന്നും ഞങ്ങളുടെ പ്രതീക്ഷയാണ് ഇല്ലാതായതെന്നും അവര്‍ പറഞ്ഞു.
ഞങ്ങള്‍ക്ക് സഹോദരനെ സുരക്ഷിതമായും ജീവനോടെയും തിരിച്ചു കിട്ടണം. നിശബ്ദരായി ഇരിക്കുന്ന അധികാരികള്‍ക്ക് മുന്നില്‍ നമ്മുടെ ശബ്ദം എത്താതിരിക്കില്ല എന്ന പ്രതീക്ഷയുണ്ട്. വെല്‍ഫെയര്‍ പാര്‍ട്ടി കോഴിക്കോട്ട് സംഘടിപ്പിച്ച പ്രതിഷേധ സംഗമത്തില്‍ സംസാരിക്കുകയായിരുന്നു അവര്‍.
നിയമ വ്യവസ്ഥയെയും ജാധിപത്യ സംവിധാനത്തെയും അട്ടിമറിച്ച് നിരപരാധികളായ യുവാക്കളെ കുറ്റക്കാരായി ചിത്രീകരിച്ച് പീഡിപ്പിക്കുന്ന ഭരണകൂട ഭീകരത അവസാനിപ്പിക്കണമെന്ന് ഭോപ്പാല്‍ വ്യാജ ഏറ്റുമുട്ടല്‍ ഇരകളുടെ അഭിഭാഷകന്‍ അഡ്വ. പര്‍വേസ് ആലം ആവശ്യപ്പെട്ടു.