ന്യൂഡല്‍ഹി: രണ്ടു ദിവസത്തെ ഔദ്യോഗിക സന്ദര്‍ശനത്തിനായി പ്രധാനമന്ത്രി നരേന്ദ്ര മോദി ഇറാനില്‍. ഇന്ന് വൈകീട്ട് തെഹ്‌റാനില്‍ വിമാനമിറങ്ങിയ പ്രധാനമന്ത്രിയെ ഇറാന്‍ ധനകാര്യ മന്ത്രി ഡോ. അലി തയ്യബിന സ്വീകരിച്ചു.

നാളെ ഇറാന്‍ പ്രസിഡന്റ് ഹസന്‍ റൂഹാനിയുമായി അദ്ദേഹം ചര്‍ച്ച നടത്തും. ശേഷം റൂഹാനിയുടെ വിരുന്നില്‍ പങ്കെടുക്കും. തുടര്‍ന്ന് ഇറാനിലെ സിഖുകാരുടെ പ്രതിനിധികളുമായി സംവദിക്കുകയും സിഖുകാരുടെ ആത്മീയ കേന്ദ്രമായ ഗുരുദ്വാര സന്ദര്‍ശിക്കുകയും ചെയ്യും.
ഇരു രാജ്യങ്ങളും തമ്മിലുള്ള പരസ്പര സഹകരണം, ഊര്‍ജ സഹകരണം, അടിസ്ഥാന സൗകര്യം, വ്യാപാരബന്ധം എന്നിവയെല്ലാമാണ് മോദിയുടെ സന്ദര്‍ശനത്തിലൂടെ ലക്ഷ്യം വെക്കുന്നത്.