വില്യാപ്പള്ളി: കഴിഞ്ഞ ദിവസം വൈക്കിലിശ്ശേരി റോഡില്‍ നിര്യാതനായ മയ്യിത്താഴ തന്‍സീറിന്റെ വിയോഗം പ്രദേശത്തെ ദുഃഖത്തിലാഴ്ത്തി. എസ്.കെ.എസ്.എസ്.എഫിന്റെയും യൂത്ത് ലീഗിന്റെയും സജീവ പ്രവര്‍ത്തകനായിരുന്നു.
ദീര്‍ഘകാലം യൂത്ത് ലീഗ് ശാഖാ സെക്രട്ടറിയും എസ്.കെ.എസ്.എസ്.എഫ് വടകര മേഖലാ ജോയിന്റ് സെക്രട്ടറിയും ശാഖാ സെക്രട്ടറിയുമായിരുന്നു. ദീനീപ്രവര്‍ത്തനങ്ങളിലും ജീവകാരുണ്യ പ്രവര്‍ത്തനങ്ങളിലും തന്‍സീര്‍ സജീവമായിരുന്നു.
പാവപ്പെട്ടവരെ കണ്ടെത്തി സഹായിക്കല്‍ തന്‍സീര്‍ മുന്‍പന്തിയിലുണ്ടായിരുന്നു. കുടിവെള്ള ക്ഷാമമുള്ളയിടങ്ങളില്‍ വെള്ളമെത്തിക്കാനും വടകര കടമേരി റഹ്മാനിയ അറബിക് കോളജിലെ ഓഫിസ് ജീവനക്കാരനായ തന്‍സീര്‍ ഉത്സാഹം കാണിച്ചിരുന്നു. ശാഖ മുസ്‌ലിം ലീഗ് കമ്മിറ്റി അനുശോചിച്ചു. വരയാലില്‍ മൊയ്തു അധ്യക്ഷനായി. പാറക്കണ്ടി മൊയ്തു, എ.പി കുഞ്ഞബ്ദുല്ല ഹാജി, റഫീഖ് പാറക്കണ്ടി സംസാരിച്ചു.