ലണ്ടന്‍: കളിക്കാരുടെ മോശം പെരുമാറ്റത്തെ തുടര്‍ന്ന് ചെല്‍സിക്കും മാഞ്ചസ്റ്റര്‍ സിറ്റിക്കും ഇംഗ്ലീഷ് ഫുട്‌ബോള്‍ അസോസിയേഷന്‍ പിഴയിട്ടു. ചെല്‍സിക്ക് ഒരു ലക്ഷം പൗണ്ടും സിറ്റിക്ക് 35000 പൗണ്ടുമാണ് പിഴയിട്ടത്. ഡിസംബര്‍ മൂന്നിന് നടന്ന മത്സരത്തില്‍ ഇരുടീമിലെയും താരങ്ങള്‍ തമ്മില്‍ കൈയ്യാങ്കളി നടന്നിരുന്നു.
സിറ്റി താരം സെര്‍ജിയോ അഗ്യെറോ ചെല്‍സി പ്രതിരോധ താരം ഡേവിഡ് ലൂയിസിനെ ഫൗള്‍ ചെയ്തതോടെയാണ് പ്രശ്‌നം ആരംഭിച്ചത്. ഇതോടെ കളിക്കാരും കോച്ചിങ് സ്റ്റാഫുകളുമടക്കം കൈയാങ്കളി ആരംഭിക്കുകയായിരുന്നു. മത്സരത്തില്‍ അഗ്യെറോയ്ക്കും ഫെര്‍ണാണ്ടിനോയ്ക്കും ചുവപ്പു കാര്‍ഡ് ലഭിച്ചു. അഗ്യെറോയ്ക്ക് നാലും ഫെര്‍ണാണ്ടിനോയ്ക്ക് മൂന്നു മത്സരങ്ങളില്‍ വിലക്കുണ്ട്.