കൊച്ചി: അരി വിതരണത്തിനായി സപ്ലൈക്കോയില്‍  പ്രത്യേക കൗണ്ടറുകള്‍ തുറക്കുമെന്ന് ഭക്ഷ്യമന്ത്രി പി.തിലോത്തമന്‍.

തിരുവനന്തപുരം, കോട്ടയം, തൃശ്ശൂര്‍ എറണാകുളം എന്നിവിടങ്ങളില്‍ സപ്‌ളൈക്കോയുടെ ക്രിസ്മസ് മെട്രോ ഫെയറുകള്‍ ആരംഭിക്കുമെന്നും മന്ത്രി പറഞ്ഞു.

എഫ്.സി.ഐ ഗോഡൗണുകളില്‍ അരിനീക്കം നിലച്ചതിന്റെ പ്രധാന കാരണം യൂണിയനുകള്‍ കൂടുതലായി അട്ടിക്കൂലി ആവശ്യപ്പെടുന്നതാണ്.
 
അട്ടിക്കൂലി നല്‍കുന്നതില്‍ സര്‍ക്കാറിനു പ്രായോഗിക പ്രശ്‌നമുണ്ടെന്നു യൂണിയനുകളുമായുള്ള ചര്‍ച്ചയില്‍ പറഞ്ഞിരുന്നതാണ്. പ്രശ്‌നപരിഹാരത്തിനായി ഒരുമാസത്തെ സാവകാശവും ആവശ്യപ്പെട്ടു. എന്നാല്‍ സ്വതന്ത്ര യൂണിയനായ ജനാവര്‍ക്കേഴ്‌സ് യൂണിയന്‍ ഇടഞ്ഞുനിന്നു. 2100 രൂപ അട്ടിക്കൂലി വേണമെന്നതാണ് ഇവരുടെ പുതിയ ആവശ്യമെന്നും മന്ത്രി പറഞ്ഞു.