മലപ്പുറം: കേരള സംസ്ഥാന എയ്ഡ്‌സ് നിയന്ത്രണ സൊസൈറ്റിയുടെ ഫോക് ക്യാംപയിന്‍ 'സുരക്ഷിതയാത്ര' യുടെ ജില്ലാതല ഉദ്ഘാടനം ഡി.എം.ഒ. വി.ഉമ്മര്‍ ഫാറൂഖ് നിര്‍വഹിച്ചു. എയ്ഡ്‌സിന് പ്രതിരോധം മാത്രം പ്രതിവിധി, എച്ച്.ഐ.വി അണുബാധിതരോടുള്ള സാമൂഹ്യ നിന്ദ്യയും വിവേചനവും അവസാനിപ്പിക്കുക എന്ന സന്ദേശം സമൂഹത്തിലെത്തിക്കുകയാണ് ക്യംപയിന്റെ ലക്ഷ്യം. ജില്ലയില്‍ 30 കേന്ദ്രങ്ങളിലാണ് ക്യാംപയിന്‍. മജീഷ്യന്‍ രാജീവ് മേന്മï വടകര മാന്ത്രികാവിഷ്‌കാരത്തിലൂടെയാണ് എയ്ഡ്‌സ് പ്രതിരോധ സന്ദേശം ക്യാംപയിനില്‍ നല്‍കുന്നത്.
മലപ്പുറം ടീച്ചര്‍ ട്രെയ്‌നിങ് ഇന്‍സ്റ്റിറ്റ്യൂട്ടില്‍ നടന്ന പരിപാടിയില്‍ ജില്ലാ മാസ് മീഡിയ ഓഫിസര്‍ ടി.എം ഗോപാലന്‍ അധ്യക്ഷനായി. പ്രധാനാധ്യാപകന്‍ കെ. വിജയകുമാരന്‍, ഡെപ്യൂട്ടി മാസ് മീഡിയ ഓഫിസര്‍ കെ.പി സാദിഖ് അലി, തുടങ്ങിയവര്‍ പങ്കെടുത്തു.