കാക്കനാട്: ഇരുനില കെട്ടിടത്തിന് മുകളില്‍ ഓട് മേയുന്നതിനിടെ വീണ് തൊഴിലാളിക്കും വാഹനപകടത്തില്‍ തൊഴിലാളിക്കും ഗുരുതര പരുക്ക്.
കാക്കനാട് വ്യവസായ മേഖലക്ക് സമീപം ആദര്‍ശ റോഡില്‍ നിര്‍മാണത്തിലിരിക്കുന്ന ഇരുനില വീടിന് മുകളില്‍ ഓട്് മേയുന്നതിനിടെ കാല്‍ തെന്നി വീണായിരുന്നു തൊഴിലാളിക്ക് ഗുരുതരമായി പരുക്കേറ്റത്. അപടത്തില്‍ പരുക്കേറ്റ കാഞ്ഞൂര്‍ സ്വദേശി തുമ്പായി വീട്ടില്‍ വിഷ്ണു (24)വിനെ കാക്കനാട് സണ്‍റൈസ് ആശുപത്രിയില്‍ പ്രവേശിപ്പിച്ചു.
നട്ടെല്ലിനും മുഖത്തിനും എടുപ്പെല്ലിനുമാണ് തൊഴിലാളിക്ക് വീഴ്ചയില്‍ പരുക്കേറ്റത്. വ്യാഴാഴ്ച ഉച്ചക്ക് ഒന്നരയോടെ ഇരുനില വീടിന്റെ ടറസിന് മുകളില്‍ ഓടുമേയുന്നതിനിടെയാണ് അപകടം.
സീപോര്‍ട്ട് എയര്‍ പോര്‍ട്ട് റോഡില്‍ മകളിയം ക്ഷേത്രത്തിന് സമീപം കാറും ലോറിയുമായി കൂട്ടിയിടിച്ചാണ് കാര്‍ ഡ്രൈവര്‍ ഇടുക്കി സ്വദേശി പുത്തന്‍വീട്ടില്‍ ജോബിന്‍ ഹേബറിന് (25) ഗുരുതരമായി പരുക്കേറ്റത്. വ്യാഴാഴ്ച വൈകുന്നേരം മുന്നരയോടെ തൃപ്പൂണിത്തുറ ഭാഗത്തി നിന്നും വരുകയായിരുന്ന സിമന്റ് ലോറിയും കാക്കനാട് ഭാഗത്തിനിന്നും വരികയായിരുന്ന കാറും തമ്മില്‍ കൂട്ടിയിടിച്ചായിരുന്നു അപകടം. അപകട സ്ഥലത്ത് ഓടിക്കൂടിയ നാട്ടുകാര്‍ കാര്‍ വെട്ടിപ്പൊളിച്ചാണ് യുവാവിനെ പുറത്തെടുത്തത്. അപകടത്തില്‍ പരുക്കേറ്റ യുവാവും സണ്‍റൈസ് ആശുപത്രിയില്‍ ചികിത്സയിലാണ്.