ബീജിങ്: ഡിസംബര്‍ ആരംഭിച്ചതോടെ ചൈനയില്‍ മഞ്ഞു വീഴ്ച രൂക്ഷമാകുന്നു. കനത്ത മഞ്ഞു വീഴ്ച മൂലം ചൈനയിലെ 23 നഗരങ്ങളില്‍ കാലാവസ്ഥാ നിരീക്ഷണ വകുപ്പ് റെഡ് അലര്‍ട്ട് പ്രഖ്യാപിച്ചു. ശക്തമായ തണുത്ത കാറ്റ് വീശിയടിക്കാനും മഞ്ഞു വീഴാനും സാധ്യതയുണ്ടെന്നാണ് അധികൃതര്‍ മുന്നറിയിപ്പ് നല്‍കിയത്.

ഇന്നലെ ആരംഭിച്ച റെഡ് അലര്‍ട്ട് 21 വരെ തുടരാന്‍ സാധ്യതയുണ്ടെന്നാണ് അധികൃതര്‍ പറയുന്നത്. കനത്ത മഞ്ഞുവീഴ്ച ജനജീവിതത്തെ സാരമായി ബാധിച്ചിട്ടുണ്ട്. സ്ഥിതി ഗുരുതരമല്ലാത്ത ഒന്‍പത് നഗരങ്ങളില്‍ ഓറഞ്ച് അലര്‍ട്ടും പ്രഖ്യാപിച്ചിട്ടുണ്ട്.