മീനങ്ങാടി: ആള്‍മറയില്ലാത്ത കിണറ്റില്‍ കാല്‍ തെന്നി വീണ് യുവാവ് മരിച്ചു. വയനാട് മീനങ്ങാടി കോട്ടക്കുന്ന് കൊല്ലരുകണ്ടി റസാക്കിന്റെയും, സുഹറയുടെയും മകനായ റഹീസാണ് (21)മരിച്ചത്.

മൈക്ക് ഓപ്പറേറ്ററായ റഹീസ് ചൂതുപാറ ഭജന നടക്കുന്ന വീട്ടിലേക്ക് മൈക്ക് കെട്ടുന്നതിനായി പോകുന്നതിനിടെയാണ് അപകടത്തില്‍പ്പെട്ടത്. രാത്രി ഒന്‍പതു മണിക്ക് സ്വകാര്യവ്യക്തിയുടെ പറമ്പിലൂടെ നടക്കുന്നതിനിടെ ആള്‍ മറയില്ലാത്ത കിണറ്റിലേക്ക് അബദ്ധത്തില്‍ കാല്‍ തെറ്റി വീഴുകയായിരുന്നു. റഹിസ്‌ന സഹോദരിയാണ്.