മുക്കം: മുക്കം മുസ്‌ലിം ഓര്‍ഫനേജ് അറുപതാംവാര്‍ഷികം സമാപന പരിപാടികളുടെ ഭാഗമായ പൂര്‍വവിദ്യാര്‍ഥി സംഗമവും റെഡ്ക്രസന്റ് സംഗമവും ഇന്ന് (ശനി) നടക്കും. രാവിലെ 9.30ന് പൂര്‍വവിദ്യാര്‍ഥി സംഗമം മഞ്ഞളാംകുഴി അലി എം.എല്‍. എയും രണ്ടുമണിക്ക് റെഡ് ക്രസന്റ് സംഗമം സമസ്ത കേരള ജംഇയ്യത്തുല്‍ ഉലമ ട്രഷറര്‍ സയ്യിദ് ജിഫ്രി മുത്തുകോയ തങ്ങളും ഉദ്ഘാടനം ചെയ്യും.
ഓര്‍ഫനേജ് ജന. സെക്രട്ടറി വി.ഇ.മോയിമോന്‍ ഹാജി അധ്യക്ഷത വഹിക്കും.
പുതുതായി നിര്‍മിച്ച ഹൈസ്‌കൂള്‍ ബ്ലോക്ക് പാണക്കാട് സയ്യിദ് സാദിഖലി ശിഹാബ് തങ്ങളും ഹയര്‍ സെക്കന്‍ഡറി ബ്ലോക്ക് പി.കെ.അബ്ദുറബ്ബ് എം.എല്‍.എയും ഉദ്ഘാടനം ചെയ്യും. എം.പിമാരായ ഇ.ടി.മുഹമ്മദ് ബഷീര്‍ മുഖ്യ പ്രഭാഷണവും എം.ഐ.ഷാനവാസ് സമ്മാനദാനവും നിര്‍വഹിക്കും. യതീംഖാന പൂര്‍വ വിദ്യാര്‍ഥി മുഹമ്മദലി ശിഹാബ് ഐ.എ.എസ്,ജോര്‍ജ് എം തോമസ് എം.എല്‍.എ, വി.കുഞ്ഞന്‍ മാസ്റ്റര്‍, ടി.കെ. പരീക്കുട്ടി ഹാജി, സി.പി.കുഞ്ഞിമുഹമ്മദ്, അനാറത്ത് അഹമ്മദ് ഹാജി, മൂസ ഹാജി അജ്മാന്‍ സംസാരിക്കും.വാര്‍ത്താ സമ്മേളനത്തില്‍ പ്രസിഡന്റ് വി.ഉമ്മര്‍കോയ ഹാജി, സെക്രട്ടറി സി മൂസ മാസ്റ്റര്‍, വി.മരക്കാര്‍ മാസ്റ്റര്‍, ഡോ.കെ.അബ്ദുല്‍ ഗഫൂര്‍ പങ്കെടുത്തു.