ഇസ്താംബൂള്‍: തുര്‍ക്കിയില്‍ സൈനികര്‍ സഞ്ചരിച്ചിരുന്ന ബസിനെ ലക്ഷ്യമിട്ട് നടത്തിയ സ്‌ഫോടനത്തില്‍ 13 സൈനികര്‍ കൊല്ലപ്പെട്ടു. 48 പേര്‍ക്ക് പരുക്കേറ്റു. സ്‌ഫോടക വസ്തുക്കള്‍ നിറച്ച കാര്‍ ബസ്സിന് നേരെ ഇടിച്ചുകയറ്റുകയായിരുന്നു.

പരുക്കേറ്റവരില്‍ സാധാരണക്കാരും ഉള്‍പ്പെടുന്നു. കമാന്‍ഡോ ആസ്ഥാനത്ത് നിന്ന് മടങ്ങിയ സൈനികര്‍ സഞ്ചരിച്ച ബസ്സിനു നേരെയാണ് ആക്രമണമുണ്ടായത്.

ഇസ്താംബൂളിലെ ഫുട്‌ബോള്‍ സ്‌റ്റേഡിയത്തിലുണ്ടായ സ്‌ഫോടനത്തില്‍ 44 പേര്‍ കൊല്ലപ്പെട്ട് ഒരാഴ്ച്ച പിന്നിടവെയാണ് വീണ്ടും സ്‌ഫോടനമുണ്ടായത്.