കൈറോ: ഉസാമ ബിന്‍ലാദന്റെ മകന്‍ ഒമറിന് ഈജിപ്ത് വിസ നിഷേധിച്ചു. എന്നാല്‍  കാരണം വ്യക്തമാക്കിയിട്ടില്ല. ഭാര്യ സൈന അല്‍ സബായ്‌ക്കൊപ്പം ദോഹയില്‍ നിന്ന് ഈജിപ്തിലേക്ക് വരാനാണ് ഒമര്‍ അനുമതി തേടിയത്. എന്നാല്‍ ഈജിപ്ത് വിസ നിഷേധിക്കുകയായിരുന്നു. നേരത്തെ 2008ലും ഒമറിന് ഈജിപ്ത് വിസ നിഷേധിച്ചിരുന്നു. എന്നാല്‍ ഇക്കാര്യത്തില്‍ വിമാനത്താവളം അധികൃതര്‍ വിശദീകരണം നല്‍കിയിട്ടില്ല. അതേസമയം വിസ നിഷേധിക്കാന്‍ കാരണമെന്താണെന്ന് അറിയില്ലെന്ന് ഒമര്‍ പറഞ്ഞു.