യുനൈറ്റഡ് നേഷന്‍സ്: യു.എന്‍ ഉപ സെക്രട്ടറി ജനറലായി നൈജീരിയന്‍ പരിസ്ഥിതി മന്ത്രി ആമിന മുഹമ്മദിനെ നിയമിച്ചു. പുതിയ യു.എന്‍ സെക്രട്ടറി ജനറല്‍ അന്റോണി ഗുട്ടെറസിന്റേതാണ് തീരുമാനം. ഔദ്യോഗിക വക്താവ് സ്റ്റെഫാന്‍ ദുജാരിക് വഴിയാണ് ഗുട്ടെറസ് തീരുമാനം പുറത്തുവിട്ടത്. ബ്രസീലില്‍നിന്നുള്ള മരിയ ലൂയിസ വിയോറ്റിയെ കാബിനറ്റ് ചീഫായും കൊറിയയില്‍ നിന്നുള്ള യുങ് വാ കാങിനെ പ്രത്യേക ഉപദേഷ്ടാവായും നിയമിച്ചിട്ടുണ്ട്. ഈ മൂന്നുപേര്‍ക്കും പല മേഖലകളിലും മികവ് പ്രകടിപ്പിക്കാന്‍ സാധിക്കുമെന്ന് ഗുട്ടെറസ് പറഞ്ഞു.
ബാന്‍ കി മൂണിന്റെ ഭരണകാലയളവില്‍ യു.എന്‍ അണ്ടര്‍ സെക്രട്ടറി ജനറലായി പ്രവര്‍ത്തിച്ചിട്ടുണ്ട് ആമിന. ഇവര്‍ പ്രത്യേക ഉപദേഷ്ടാവുമായിരുന്നു.