ആലുവ:പ്രവാചക ദര്‍ശനങ്ങള്‍ ചോര്‍ന്നു പോകാതെ സൂക്ഷിക്കാന്‍ മഹല്ല് പരിപാലന സമിതികള്‍ ജാഗരൂകരാകണമെന്നു സമസ്ത കേന്ദ്ര മുശാവറ അംഗം ഇ എസ് ഹസ്സന്‍ ഫൈസി.ദീന്‍ മഹല്ലുകളില്‍ പൂര്‍ണമായും പ്രാവര്‍ത്തികമാക്കാന്‍ ഉലമാക്കളും ഉമാറാക്കളും കൈ കോര്‍ക്കണം.ലോകം മുഴുവനും ഇപ്പോള്‍ ചര്‍ച്ച ചെയ്യുന്നത് പലിശ രഹിത ഇസ്ലാമിക് ബാങ്കിങ്ങിനെ പറ്റിയാണ്.കുഴികാട്ടുകര മുസ്ലിം ജമാഅത്തിന്റെ നേതൃത്തില്‍ നാല് ദിവസങ്ങളിലായി നടന്ന നബിദിന ആഘോഷവും മതവിജ്ഞാന സദസ്സിനോടനുബന്ധിച്ചു നടന്ന പൊതുസമ്മേളനം ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം.ജില്ല മഹല്ല്‌കോ ഓര്‍ടിനേഷന്‍ കമ്മിറ്റി പ്രസിഡന്റും കുഴിക്കട്ടുകര മഹല്ല് പ്രസിഡന്റുമായ കെ.എം കുഞ്ഞുമോന്‍ അധ്യക്ഷത വഹിച്ച ചടങ്ങില്‍ സെക്രട്ടറി വി.എം ഇസ്മയില്‍ സ്വാഗതവും ഖത്തീബ് അബ്ദുല്‍അസീസ് ബാഖവി ,ജബ്ബാര്‍ ഫൈസി,ഹസ്സന്‍ മൗലവി,ജലാലുദീന്‍ മൗലവി,സലിം മൗലവി എന്നിവര്‍ ആശംസകള്‍ അര്‍പിച്ചു.വി എം അലികുഞ്ഞ് സര്‍ട്ടിഫിക്കറ്റ് വിതരണവും ബാബു ചാലയില്‍ സമ്മാനദാനവും നിര്‍വഹിച്ചു.സി എം കരിം നന്ദിയും പറഞ്ഞു.സമസ്ത കേന്ദ്ര മുശാവറ അംഗമായി തിരഞ്ഞെടുത്ത ഇ എസ് ഹസ്സന്‍ ഫൈസിയെ കുഴിക്കാട്ടുകര മഹല്ല് ജമാഅത്ത് കമ്മിറ്റി ചടങ്ങില്‍ ആദരിച്ചു.