കല്‍പ്പറ്റ: മനുഷ്യന് ഭീഷണിയുണ്ടാക്കുന്ന വന്യമൃഗങ്ങളില്‍ നിന്നും തെരുവുനായ്ക്കളില്‍ നിന്നും രക്ഷനേടാന്‍ ഇപ്പോഴത്തെ നിയമ വ്യവസ്ഥ പര്യാപ്തമല്ലെന്ന് സാര്‍വദേശീയ മനുഷ്യാവകാശ ദിനാഘോഷത്തോടനുബന്ധിച്ച് നടന്ന സമ്മേളനം ഉദ്ഘാടനം ചെയ്തുകൊണ്ട് കേരള മനുഷ്യാവകാശ കമ്മിഷന്‍ ജസ്റ്റിസ് മോഹനദാസ് പ്രസ്താവിച്ചു. സമൂഹത്തിലെ അംഗമെന്ന നിലയില്‍ സാമൂഹിക സുരക്ഷിതത്വത്തിനുള്ള അവകാശം എല്ലാവര്‍ക്കുമുണ്ട്. അദ്ദേഹം പറഞ്ഞു. മനുഷ്യാവകാശ സമിതിയുടെയും മുട്ടില്‍ ഡബ്ല്യു.എം.ഒ ആര്‍ട്‌സ് ആന്‍ഡ് സയന്‍സ് കോളജിന്റെയും സംയുക്താഭിമുഖ്യത്തിലാണ് പരിപാടി നടത്തിയത്.ഡോ. ടി.പി മുഹമ്മദ് ഫരീത് അധ്യക്ഷനായി. മനുഷ്യാവകാശ സമിതി ജില്ലാ പ്രസിഡന്റ് ജോണി പാറ്റാനി വിഷയാവതരണം നടത്തി. ഡോ. വിജി പോള്‍, അഡ്വ. അബ്ദുറഹിമാന്‍, മാത്യു കരിക്കേടം, കെ കുഞ്ഞിക്കണ്ണന്‍, കെ വീരേന്ദ്രകുമാര്‍, ജോര്‍ജ് വടക്കേടത്ത്, ദയാല്‍ രാജ് സംസാരിച്ചു.